မြန်မာတနိုင်ငံလုံးတွင် အကြီးဆုံးဖြစ်သော ရန်ကုန် ကြည့်မြင်တိုင်မြို့နယ် ကမ်းနားလမ်းမပေါ်ရှိ သီရိမင်္ဂလာ ကုန်စိမ်းဈေးကြီးကို ပြောင်းရွှေ့ရမည့် သတင်းထွက်ပေါ်နေမှုကြောင့် ကုန်စိမ်းရောင်းသူများ စိုးရိမ်သောက ဖြစ်နေကြသည်။
ထွက်ပေါ်နေသည့်သတင်းနှင့်ပတ်သက်၍ ရန်ကုန်မြို့တော် စည်ပင်သာယာရေးကော်မတီ ဈေးများဌာန၏ အရာရှိကြီးတဦးက “အခု မဟုတ်သေးဘူး။ နောင်တော့ ဟုတ်ချင်လည်း ဟုတ်မယ်။ အခု မဟုတ်တာ သေချာပါတယ်။ ဒီသတင်းကို ကျနော်တို့လည်း ကြားပါတယ်။ မြို့တော်ဝန်လည်း ကြားတယ်။ သူ့ကိုလည်း ညွှန်ကြားချက်မလာသေးဘူး။ ဒါက ကျနော်သိသလောက်ပါ” ဟု ပြောသည်။
မည့်သည့်အချိန်၊ မည်သည့်နေရာဟု အတိအကျ မသိရသော်လည်း ကုန်စိမ်းရောင်းသူတဦးက “စည်ပင်က ၀န်ထမ်းတယောက်က ပြောတယ်။ ဒညင်ကုန်းဈေးဘက်ကို ပြောင်းရွှေ့မယ်တဲ့။ အဲဒီဒညင်းကုန်းဈေးကို အဆင့်မြှင့်မှာမို့ ပြောင်းရင် ဆိုင်ခန်းတခန်းကို (၁၂) သိန်းလောက် ကုန်မယ်တဲ့။ သူတို့စကားတွေက မသေချာဘူးလေ။ သူတို့ဥပဒေတွေကလည်း ဒီနေ့တမျိုး၊ နောက်နေ့တမျိုး ယုံလို့မရဘူး” ဟု ပြောသည်။
သီရိမင်္ဂလာဈေးကို ရွှေပြည်သာမြို့နယ်ရှိ ၀ါးတစ်ရာကျေးရွာသို့ တနှစ်အတွင်း ပြောင်းရွှေ့မည်ဟုလည်း သတင်းများ ထွက်ပေါ်နေသည့်အတွက် ပြောင်းရွှေ့မည့်သတင်းမှာ ဟုတ်နိုင်ကြောင်း ဈေးသည်များက ပြောသည်။
ကုန်စိမ်းဈေးသည်တဦးက “တခုခုကိုတော့ ပြောင်းမယ့်အနေအထားရှိတယ်။ ကျနော်တို့ ဒီမှာ ကုန်းစိမ်းရောင်းလာတာ (၇) နှစ် ရှိပြီ။ အခုလို ရုတ်ရုတ်သဲသဲဖြစ်တာ တခါမှ မတွေ့ဖူးဘူး။ အေးရှားဝေါလ်က ဆိပ်ကမ်းတွေ တိုးချဲ့မှာမို့လို့ အဲဒီဈေးကို ရွှေ့မှာလို့လည်း ပြောနေသံတွေ ကြားရတယ်” ဟု ပြောသည်။
သီရိမင်္ဂလာကုန်စိမ်းဈေးကြီးကို ပြောင်းရွှေ့ပါက လတ်တလော အထိုင်ကျနေသော ဈေးသည်များအတွက် စရိတ်စက ပိုမိုကုန်ကျမည်ဖြစ်ပြီး သယ်ယူပို့ဆောင်ရေး နှောင့်နှေးသွားနိုင်ကြောင်း၊ ယခုလက်ရှိတွင်လည်း အရောင်းအ၀ယ် မကောင်းကြ သည့်အတွက် ဈေးသည်များ ထိခိုက်နစ်နာနိုင်ကြောင်း အငြိမ်းစားစည်ပင်အရာရှိတဦးက ပြောသည်။
၎င်းက “အဲဒီဈေးကို ရန်ကုန်တတိုင်းလုံးက ကုန်စိမ်းအရောင်းအ၀ယ် ပြုကြတဲ့သူတွေ၊ ပဲခူးတိုင်း၊ ဧရာဝတီတိုင်းနှင့် ရှမ်းပြည်က အဓိက အရောင်းအ၀ယ် ပြုကြတယ်။ ပြောရရင်တော့ မြန်မာတနိုင်ငံလုံးက လာရောက် ကုန်စည်ရောင်းဝယ်ဖောက်ကားမှုတွေကို လုပ်ကြတာပါပဲ။ ဒီသတင်းသာ မှန်တယ်ဆိုရင်တော့ နည်းနည်းရှုပ်ကုန်မယ်” ဟု ဝေဖန်ပြောကြားသည်။
အထပ်ပေါင်း (၅) ထပ်မြင့်သော သီရိမင်္ဂလာဈေးကို လွန်ခဲ့သည့် ၁၉၉၈ ခုနှစ်က ဖွင့်လှစ်ခဲ့ခြင်းဖြစ်ကာ မြေညီထပ်နှင့် ပထမထပ် တွင် ဆိုင်ခန်းပေါင်း (၂,၅၀၀) ခန့်ရှိပြီး အခြားအထပ်များကို တည်းခိုခန်းများ၊ ဟက်ပီးဝေါလ် အပန်းဖြေစခန်းများနှင့် အခြား စီးပွားရေးလုပ်ငန်းများကို ငှားရမ်းထားကြောင်း သိရသည်။
