Innwa Myanmar News

နအဖ ခေါင်းဆောင်အမည်နဲ့ “ဘ၀နတ်ထံပျံ”စကားလုံးတွဲသည့် သတင်းစာခေါင်းစဉ်ကြောင့် ပြဿနာဖြစ်

shweone — Mon, 05 Apr 2010 02:58:54 +0000

ဧပြီလ တရက်နေ့ထုတ် အစိုးရသတင်းစာ ခေါင်းစဉ်တွင် ဗိုလ်ချုပ်မှူးကြီး သန်းရွှေ၏ အမည်နှင့် ဘ၀နတ်ထံ ပျံလွန်တော်မူသွားသော ဆိုသည့် နာမ၀ိသေသနကို ကပ်လျက်ထားဖေါ်ပြခဲ့ခြင်းကြောင့် သတင်းစာတိုက်မှ ၀န်ထမ်းများ ပြဿနာဖြစ်နေကြောင်း ကြားသိရသည်

ပြီးခဲ့သည့် ရက်ပိုင်းက ပျံလွန်တော်မူ ခဲ့သည့် နိုင်ငံတော်ဗဟို သံဃာ့ဝန်ဆောင် အဖွဲ့ဥက္ကဌ မကွေးဆရာတော်၏ ရုပ်ကလပ်ကို နအဖ ခေါင်းဆောင် ဗိုလ်ချုပ်မှူးကြီး သန်းရွှေက ဖူးမြော်ကန်တော့ ဆိုသည့် သတင်းကို ရေးသားရာတွင် သတင်းခေါင်းစဉ်နေရာတွင် ဗိုလ်ချုပ်မှူးကြီး အမည်ကို ရှေ့ဆုံးမှ တင်ရိုးထုံးစံရှိသည့် အတိုင်းရေးသားပြီးမှ `ဘ၀နတ်ထံ ပျံလွန်တော်မူသွားသော ဆိုသည့် နာမ၀ိသေသနကို ကပ်လျက်ဖေါ်ပြခဲ့ရာ နအဖ ခေါင်းဆောင်အတွက် မကောင်းသည့် နိမိတ်အဖြစ် ယူဆက သတင်းစာတိုက်မှ ၀န်ထမ်းများ ပြစ်တင်ပြောဆိုခံရခြင်း ဖြစ်သည်။
နအဖ ခေါင်းဆောင်များနှင့် ပတ်သက်သည့် သတင်းများရေးသားရာတွင် သတင်းစာပညာရပ်၏ ထုံးထမ်းနည်းနာများကို ဆန့်ကျင်ပြီး အစဉ်အမြဲ ရှေ့ဆုံးသို့မဟုတ် ထိပ်ဆုံးမှ ဖေါ်ပြရေးသား ခံလိုခြင်း၊ ဘွဲ့နှင့် ရာထူးအပြည့်အစုံကို မည်သည့် သတင်းတွင်မဆို ရေးသားရမည့် ထုံးစံရှိခြင်းတို့ကြောင့် အစိုးရပိုင် သတင်းစာ အနေဖြင့် သတင်းစာပညာ သင်ကြားချက်များကို လျစ်လျူရှုကာ အာဏာရှင်များအကြိုက် ရေးသားဖေါ်ပြ နေကြရသည်။
ထိုသို့ အရှေ့ဆုံးမှ ဖေါ်ပြရမည်ဟူသည့် ညွှန်ကြားချက် အတိုင်းရေးသားခဲ့ရာမှ ယခုလို ရုတ်တရက် နားလည်မှုလွဲစေနိုင်သည့် သတင်းခေါင်းစဉ်မျိုး ပေါ်ထွက်လာခြင်းဖြစ်သည်ဟု ပြည်တွင်းမှ ၀ါရင့် သတင်းထောက် တဦးက ပြောသည်။
အဆိုပါ သတင်းထောက်က
“အစိုးရသတင်းစာ မှာ နအဖခေါင်းဆောင် တွေအကြောင်းရေးသား ဖေါ်ပြတယ်ဆိုရင် အဲဒီသတင်းတွေဟာ သတင်းစာပညာအရာ အညံ့ဆုံး နမူနာတွေ ဖြစ်နေတတ်တယ်။ ဘာကြောင့်လဲဆို တိုအောင် ရှင်းအောင် စာဖတ်သူနားလည်လွယ်အောင် ရေးခွင့်မရှိပဲ သူတို့ရဲ့ ဘွဲ့ထူးဂုဏ်ပုဒ်တွေကို တန်းစီပြီး ရေးလိုက်တာ စာကြောင်းသုံးကြောင်း လောက်ရောက်တာတောင် ဘယ်သူဆိုတာ မသိနိုင်သေးတဲ့အဖြစ်မျိုး၊
နောက်တခါ ဘာသတင်းလဲ ဆိုတာထက် လာကြည့်တဲ့သူ၊ လာစစ်ဆေးတဲ့သူကို ဦးစားပေးဖေါ်ပြတဲ့ အတွက်မူရင်းရေးချင်တဲ့ အကြောင်းက နောက်မှာ မှိန်မှိန်ပဲ ကျန်တော့တဲ့ ဟာမျိုး၊
နောက် နိုင်ငံခြားခေါင်းဆောင်တွေ လာတွေ့တယ်ဆို ဘာတွေဆွေးနွေးတယ် ဆိုတာတလုံးတပါဒမှ မပါဘဲ ၊ ဘယ်သူတွေရှိနေကြတယ်ဆိုတာပဲ ပါတာမျိုးပေါ့ ဒါကြောင့် သတင်းစာပညာ သင်တန်းတွေမှာ အညံ့ဆုံး ဥပမာပေးရင် အစိုးရသတင်းစာက သတင်းတွေကို ဥပမာပေးလေ့ရှိတာ”
ဟု ဆိုသည်။
ယခုအဖြစ်အပျက်ကြောင့် အစိုးရသတင်းစာတိုက်မှ တာဝန်ရှိ ၀န်ထမ်းများအား ဖမ်းဆီးခြင်းသို့မဟုတ် ရာထူးမှ ထုတ်ပယ်ခြင်းမျိုး မကြားသိရသေးသော်လည်း ဖြေရှင်းတောင်းပန်ရသည်ဆိုသည့် အနေအထားတွင် ရှိသည်ဟု အစိုးရ သတင်းစာတိုက်ဝန်ထမ်း တဦးကပြောသည်။
လွန်ခဲ့သည့် ဆယ်စုနှစ် တစ်ခုအတွင်းတွင် ဗိုလ်ချုပ်ခင်ညွှန့်သတင်းနှင့် ကမ္ဘာ့လူလိမ်ကြီးများဟူသည့် သတင်းတို့ကို ဟိုဘက်ဒီဘက် ဖေါ်ပြမိသည့် အတွက်သတင်းစာတိုက်ဝန်ထမ်းများ အဖမ်းခံရခြင်း၊ ဆူပူမှုဖြင့် ဒီမိုကရေစီမရနိုင် ဆိုသည့် စကားရပ်ကို `မ´ဖြုတ်လိုက်ပြီး ဒီမိုကရေစီရနိုင် ဟုဖေါ်ပြမိသဖြင့် ၀န်ထမ်းများ စစ်ဆေးခံရပြီး အလုပ်မှထုတ်ပယ်ခဲ့ခြင်း တို့မကြာခဏဖြစ်ပွားခဲ့သည်။

ကိုကျော်သူ၏ facebook အင်တာနက်စာမျက်နှာအား ပိတ်ခံလိုက်ရ

shweone — Mon, 05 Apr 2010 02:54:09 +0000

လူမှုရေးလုပ်ငန်းများ လုပ်ဆောင်နေသော ကိုကျော်သူအား သူ၏ နာရေးကူညီမှုအသင်း(ရန်ကုန်)နှင့် ပတ်သက်သော သတင်း၊ ဆောင်းပါးများ ပါရှိနေသည့် Facebook Website ရှိ KyawthuFans တွင် Post များ၊ Comments များ ရေးသားမရခြင်းနှင့် သတင်းဆောင်းပါးအသစ်များ မပါရှိတော့သည့်အတွက် မေးမြန်း ကြည့်ရာတွင် ကိုကျော်သူမှ အောက်ပါအတိုင်း ပြန်လည်ဖြေကြားခဲ့ပါသည်။

(ဟုတ်တယ် … Facebook Website က ကျွန်တော်ရဲ့ Kyawthufans ဆိုတာ .. ကျွန်တော်ရဲ့ Fan ပရိတ်သတ်တွေက လုပ်ပေးထားတာ။ ဒါကြောင့်လဲ ကျွန်တော်ရဲ့ လူမှုရေးကူညီမှု ကိစ္စတွေကို ပရိတ်သတ်ကို ချပြနိုင်ခဲ့ပါတယ်။ ကိုယ်ကျိုးမပါတဲ့ လုပ်ရပ်ပါ။ ဒါပေမယ့် (၃) ပတ်လောက်ရှိပြီ။ တစ်စုံတစ်ယောက် ဒါမှမဟုတ် အဖွဲ့အစည်းတစ်ခုကနေ အဲဒီ Facebook Website ကုမ္မဏီကို လုပ်ကြံဇာတ်ခင်းပြီး ပိတ်ခိုင်းလိုက်တာ။ နာရေးကူညီမှုအသင်း(ရန်ကုန်)ရဲ့ Gmail (ဂျီမေး)ကိုလည်း ပိတ်မယ် .. ဘာညာနဲ့ Warning (သတိ) ပေးပြီး အကြောင်းကြား စာပို့ခံရတယ်။

ဘာတွေလည်းဗျာ .. အေးအေးဆေးဆေး အခမဲ့ မသာချပေးနေတဲ့ သူကို လာတိုက်ခိုက်တာ။ အခမဲ့ မသာချပေးနေတဲ့ သူကို မနာလိုတွေဖြစ်နေတာ။ ရှင်းရှင်းပြောရရင် ကျွန်တော် အလုပ်ကြံခံရတာပဲ။ ကျွန်တော်ကတော့ အေးဆေးပါ။ ဒါပေမယ့် ကျွန်တော်နဲ့ ပတ်သက်နေတဲ့ ပုဂ္ဂိုလ်ပိုင်းကတော့ ဒီအတိုင်း ကြည့်နေမှာ မဟုတ်ဘူး။ ၀ဋ်လည်လိမ့်မယ်လို့ပဲ ပြောလိုက်ပါမယ်။ ကိုယ့်ပြုသောကံ ပဲ့တင်သံ ကိုယ့်ထံပြန်လာမယ်နော့ . . . . ။

ကျွန်တော် နောက်ထပ်ပြီးတော့တင်ဖို့ ဆောင်းပါးလေးတွေ ရေးထားတာ ရှိတယ်။ ယခု ကျွန်တော်ရဲ့ kyawthufans အပိတ်ခံထားရတော့ နာရေးကူညီမှုအသင်း(ရန်ကုန်)ရဲ့ သတင်း၊ ဆောင်းပါးတွေတင်ဖို့ ရေးထားတာတွေလည်း တင်လို့မရဘူး ဖြစ်နေတာပေါ့။ ကျွန်တော် “ မျိုးဆက်သစ် Hip Hop လူမှုရေး သူရဲကောင်းများ” ဆိုတဲ့ ဆောင်းပါးလေး တင်ဖို့ ရှိပါတယ်။ တင်လို့ပြန်ရခဲ့ရင်တော့ Fans ပရိတ်သတ်များ အသစ်ထပ်ပြီး ဖတ်ရှုအားပေးလို့ ရမှာပါ…) ဟု ဖြေကြားသွားပါသည်။

(ပေးပို့ လာသူ ဘားမား ပါပါရာဇီအား ကျေးဇူးတင်ရှိပါသည်)။

မှတ်ချက် Source : http://www.niknayman-niknayman.co.cc/

စွမ်းအားရှင် အကြောင်း တစေ့တစောင်း

shweone — Fri, 02 Apr 2010 04:46:15 +0000

ရန်ကုန် အလုံမြို့နယ် စောရန်ပိုင်အနောက်ရပ်ကွက်ရှိ ရ၀တ ဥက္ကဌစွမ်းအားရှင် အဖွဲ့တွေရယ် စက်တင်ဘာ စွမ်အားရှင် ရယက နဲ့ပေါင်းပြီး မြေတွေ၊ ဆိုင်ခန်းထားတွေ ငှါးစားထားတာ ဟာ တလကို ကျပ်ငွေ ၁၀ သိန်းနီပါးဖြစ်ပါတယ်။ ဒါပေမယ့် အဲဒီ ငွေစာရင်း ရန်ပုံငွေဟာ စာရင်းပြောက်နေတယ်ဟု အမည်မဖေါ်လိုသူ စွမ်အားရှင် တဦးက ပြောပြပါတယ်။ စွမ်းအားရှင် တွေဟာ အောက်ခြေမှာ အကြီးအကျယ် လာဘ်စား အကျင့် ပျက် နေကြပြီး ဒီလိုမျိုး အကျင့်ပျက် လာဘ်စားတယ်ဆိုကလဲ လက်တလုံးခြား အခွင့်အာဏာကို အလွဲသုံးစားလုပ်နေ ခြင်းဖြစ်သည် ဟု အောက်ခြေ ၀န်ထမ်း စွမ်းအားရှင် တဦးက ပြောသွားတာဖြစ်ပါတယ်။

ပါတီ မှတ်ပုံတင်မည်ကို ဒေါ်စု လက်မခံ

shweone — Wed, 24 Mar 2010 02:08:37 +0000

အမျိုးသားဒီမိုကရေစီအဖွဲ့ချုပ်ကို ပြန်လည်မှတ်ပုံတင်မည့်အပေါ် ပါတီအထွေထွေအတွင်းရေးမှူး ဒေါ်အောင်ဆန်းစုကြည်က လုံးဝလက်မခံကြောင်း သူမ၏ ရှေ့နေမှတဆင့် ယနေ့ ထုတ်ဖော်ပြောဆိုလိုက်သည်။

“မှတ်ပုံတင်ဥပဒေအရ ပါတီကို ပြန်ပြီး မှတ်ပုံတင်ရေးကိစ္စနဲ့ ပတ်သက်ပြီးတော့ သူ့ရဲ့သဘောထားက ဒီလိုမတရားတဲ့ ဥပဒေ၊ တရားမျှတမှုမရှိတဲ့ ဥပဒေ၊ တဖက်သတ် ဥပဒေအရ မှတ်ပုံတင်ရေးကို သူ လုံးဝ လက်မခံပါဘူးလို့ ပြောပါတယ်” ဟု ရှေ့နေ ဦးဥာဏ်ဝင်းက မဇ္ဈိမကို ပြောသည်။

နေအိမ်တွင် ပြစ်ဒဏ် ၁၈ လဖြင့် အထိန်းသိမ်းခံနေရသည့် ဒေါ်အောင်ဆန်းစုကြည်နှင့် သူမ၏ ရှေ့နေ ဦးကြည်ဝင်းနှင့် ဦးဥာဏ်ဝင်းတို့ နေ့လည် ၁ နာရီမှ ၃ နာရီအထိ တွေ့ဆုံခွင့် ရရှိခဲ့စဉ် သူမက ထိုကဲ့သို့ ပြောဆိုခဲ့ခြင်း ဖြစ်သည်။

“ဒီလိုပြောတာဟာ ဒေါ်အောင်ဆန်းစုကြည်က အမျိုးသားဒီမိုကရေစီအဖွဲ့ချုပ်ကို ညွှန်ကြားတာလည်း မဟုတ်ဘူး၊ အမိန့်ပေးတာလည်း မဟုတ်ဘူး။ အမျိုးသားဒီမိုကရေစီအဖွဲ့ချုပ်အနေနဲ့ ဒီမိုကရေစီနည်းလမ်းနဲ့အညီ ဆုံးဖြတ်ဆောင်ရွက်သွားပါလို့ ပြောပါတယ်” ဟု ဦးဥာဏ်ဝင်းက ပြောသည်။

စစ်အစိုးရ ထုတ်ပြန်ထားသည့် ရွေးကောက်ပွဲဥပဒေအရ ၁၉၉ဝ ခုနှစ်မှ ယနေ့အထိ ဖျက်သိမ်းမခံရသော ပါတီများသည် အသစ်တည်ထောင်မည့် ပါတီများနည်းတူ ရွေးကောက်ပွဲ ဥပဒေ ထုတ်ပြန်ခဲ့သည့် ယခုလ ၈ ရက်နေ့မှ ရက်ပေါင်း ၆ဝ အတွင်း မှတ်ပုံတင်ရမည်ဖြစ်ပြီး ပျက်ကွက်ခဲ့ပါက အလိုအလျောက် ပါတီဖျက်သိမ်းခံရမည်ဖြစ်သည်။

ယခုလ ၁၅ ရက်နေ့က ရန်ကုန်ရှိ NLD ရုံးချုပ်တွင် ကျင်းပခဲ့သည့် ပါတီဗဟိုအလုပ်အမှုဆောင် CEC အစည်းအဝေးတွင် ဥက္ကဋ္ဌ ဦးအောင်ရွှေက ပါတီကို တရားဝင် ဆက်လက်ရပ်တည်နိုင်ရေးအတွက် မှတ်ပုံတင်ရန် စဉ်းစားသင့်ကြောင်း အဆိုပြုခဲ့ပြီးနောက် ၈ ရက်အကြာတွင် ဒေါ်အောင်ဆန်းစုကြည်၏ သဘောထား ပေါ်ထွက်လာခြင်းလည်း ဖြစ်သည်။

ပါတီဥက္ကဋ္ဌ၏ အဆိုပြုချက်အရ ပါတီမှတ်ပုံတင်သင့်၊ မတင်သင့် ဆုံးဖြတ်ရန်အတွက် ယခုလ ၂၉ ရက်နေ့တွင် CEC အဖွဲ့ဝင်များနှင့် ပြည်နယ်/တိုင်း အသီးသီးရှိ ဗဟိုဦးစီး CC အဖွဲ့ဝင်များနှင့်လည်းကောင်း၊ ၂၆ ရက်နေ့တွင် နိုင်ငံတဝှန်းရှိ ပါတီလူငယ်ခေါင်းဆောင်များနှင့်လည်းကောင်း တွေ့ဆုံ ဆွေးနွေးသွားမည် ဖြစ်သည်။ ပါတီတွင် CC အဖွဲ့ဝင် ဦးရေ ၁ဝဝ ရွေးချယ်ထားသည့်အနက် ၁ဝ ဦးမှာ အကျဉ်းကျနေဆဲ နိုင်ငံရေးအကျဉ်းသားများ ဖြစ်သည်။

ပြည်နယ်/တိုင်း လူငယ်အကူအညီပေးရေးအဖွဲ့များမှ ကိုယ်စားလှယ် ၅ဝ ဦးခန့် တက်ရောက်နိုင်မည်ဟု ခန့်မှန်းထားပြီး၊ ဆုံးဖြတ်ချက်များကို ဗဟိုအလုပ်အမှုဆောင်အဖွဲ့ CEC သို့ တင်ပြကြမည်ဖြစ်သည်။

ပါတီမှတ်ပုံတင်ခြင်း ဥပဒေနှင့် ပြည်သူ့လွှတ်တော် ရွေးကောက်ပွဲဥပဒေများအရ NLD အနေဖြင့် ရွေးကောက်ပွဲ ကော်မရှင်တွင် မှတ်ပုံတင်မည်ဆိုပါက အကျဉ်းကျနေသည့် NLD အထွေထွေအတွင်းရေးမှူး ဒေါ်အောင်ဆန်းစုကြည်၊ ဗဟိုကော်မတီဝင် ၁ဝ ဦးနှင့် ပါတီဝင် ၃ဝဝ ကျော်ကို ပါတီမှ ထုတ်ပယ်ရမည်ဖြစ်သည်။

စစ်အစိုးရသည် ၁၉၉ဝ ခုနှစ်တွင် နိုင်ငံတော် ငြိမ်ဝပ်ပိပြားမှု တည်ဆောက်ရေးအဖွဲ့ (နဝတ) က ကျင်းပပေးခဲ့သည့် ရွေးကောက်ပွဲ၏ ရလဒ်ကို ယခုလဆန်းပိုင်းတွင် နအဖ စစ်အစိုးရက ရွေးကောက်ပွဲဥပဒေ ထုတ်ပြန်ရာ၌ တပါတည်း ပယ်ဖျက်ပစ်ခဲ့သည်။

၁၉၉ဝ ခုနှစ် ရွေးကောက်ပွဲတွင် NLD သည် တနိုင်ငံလုံးတွင် ပြည်သူ့လွှတ်တော် ကိုယ်စားလှယ် ၈ဝ ရာခိုင်နှုန်းကျော်ဖြင့် အနိုင်ရရှိခဲ့သော်လည်း စစ်အစိုးရက အာဏာလွှဲပြောင်းပေးခြင်း မရှိခဲ့ပါ။

NLD က စစ်အစိုးရကို တရားစွဲပြီ

shweone — Tue, 23 Mar 2010 07:24:33 +0000

တရားမျှတမှု မရှိသော ရွေးကောက်ပွဲ ဥပဒေများကို ထုတ်ပြန်ခဲ့သဖြင့် စစ်အစိုးရအား အဓိက အတိုက်အခံပါတီ အမျိုးသား ဒီမိုကရေစီ အဖွဲ့ချုပ် NLD က ယနေ့ တရားစွဲဆိုမှု စတင်လိုက်သည်။

NLD ဥက္ကဋ္ဌ ဦးအောင်ရွှေ၊ ဒေါ်အောင်ဆန်းစုကြည်၏ ရှေ့နေများဖြစ်သော ဦးဥာဏ်ဝင်း (NLD ဗဟို အလုပ်အမှုဆောင် အဖွဲ့ဝင်)၊နှင့် ဦးကြည်ဝင်းတို့သည် အမှုဖွင့်ရန်အတွက် ရန်ကုန် ဗဟိုတရားရုံးချုပ်သို့ ယနေ့ နံနက်တွင် သွားရောက်နေကြောင်း သိရသည်။

“အမျိုးသား ဒီမိုကရေစီ အဖွဲ့ချုပ်အနေနဲ့ အခုပြဋ္ဌာန်းလိုက်သော ရွေးကောက်ပွဲဥပဒေ ပါတီများ မှတ်ပုံတင်ခြင်း ဥပဒေ၊ အဲဒီ ဥပဒေတွေ ဖော်ပြထားတဲ့ အချက်တွေဟာ မျှတမှုမရှိတဲ့အတွက်ကြောင့်၊ ထိခိုက်နစ်နာမှုတွေ ရှိနေတဲ့အတွက်ကြောင့် သီးခြား သက်သာခွင့် ဥပဒေ ပုဒ်မ ၄၅ နဲ့ ဗဟို တရားရုံးမှာ ဦးတိုက်လျှောက်မှာပေါ့ဗျာ” ဟု NLD ဗဟိုအလုပ်အမှုဆောင် ဦးအုန်းကြိုင်က မဇ္ဈိမကို ပြောသည်။

ယမန်နေ့တွင် NLD ရန်ကုန်ရုံးချုပ်တွင် ကျင်းပခဲ့သည့် ဗဟိုအလုပ်အမှုဆောင် CEC အစည်းအဝေးမှ စစ်အစိုးရကို တရားစွဲရန် ကန့်ကွက်သူမရှိ ဆုံးဖြတ်ခြင်းဖြစ်ကြောင်း သိရသည်။

စစ်အစိုးရက ယခုလ ၈ ရက်နေ့တွင် ထုတ်ပြန်လိုက်သော “ပြည်ထောင်စု ရွေးကောက်ပွဲ ကော်မရှင် ဥပဒေ” တွင် ထောင်ဒဏ် ချမှတ်ခံထားရသူများကို ပါတီမှ ထုတ်ပယ် (သို့မဟုတ်) လက်မခံဘဲ နေရမည်ဟု ဖော်ပြထားသည်။

“လူတဦးချင်းကို ရည်ရွယ်တယ်၊ သူ့ (ဒေါ်အောင်ဆန်းစုကြည်) ကို ရည်ရွယ်တယ်ပေါ့ဗျာ။ ဒါကို တိုင်းသူပြည်သားတွေ၊ ပြည်သူတရပ်လုံးက ညီညီညွတ်ညွတ် ရင်ဆိုင်ပါ ဆိုပြီးတော့ တိုက်တွန်းထားတာ ရှိတယ်။ အဲဒါကို လူ့အခွင့်အရေး အခြေခံနဲ့ တရားစွဲမယ်ပေါ့ဗျာ” ဟု NLD ဗဟိုအလုပ်အမှုဆောင် အဖွဲ့ဝင်တဦးဖြစ်သူ ဦးဝင်းတင်ကလည်း မဇ္ဈိမကို ပြောသည်။

“ဒေါ်စုက ဒီဥပဒေ တွေဟာ မတရားဘူးပေါ့ဗျာ။ ထောင်ကျနေတဲ့ပုဂ္ဂိုလ်က ပါတီမှာ မဆောင်ရွက်ရဘူးတို့၊ ပါတီက ထုတ်ပစ်ရမယ်ဆိုတာမျိူးကျတော့ သူ့ (ဒေါ်အောင်ဆန်းစုကြည်) ရဲ့ လူ့အခွင့်အရေးတွေ ဆုံးရှုံးတယ်။ အဲဒါကြောင့် လူ့အခွင့်အရေးချိုးဖောက်မှု အခြေခံနဲ့ ဒီရွေးကောက်ပွဲ ဥပဒေတွေကို တရားစွဲတာပဲ” ဟု သူက ဆက်ပြောသည်။

တောင်းဆိုချက် အချို့အလျှော့ပေးရန် တရုတ်တိုက်တွန်းချက် ၀ လက်မခံ

shweone — Tue, 23 Mar 2010 02:32:29 +0000

စစ်အစိုးရအား မူလတောင်းဆိုချက် ၉ ချက် အတိုင်း ပုံသေမသွားဘဲ အလျှော့အတင်ြးုပလုပ်၍ အကြေအလည် ဆွေးနွေးကြရန် တရုတ်တိုက်တွန်းချက်ကို လက်မခံနိုင်ကြောင်း ၀ ခေါင်းဆောင် အသိုင်းအ၀ိုင်းကပြောကြပါသည်။
“၂၀၀၉ နိုဝင်ဘာ ၁၀ ရက် ရက်စွဲနဲ့ ဥက္ကဌကြီး လက်မှတ်ရေးထိုးတင်ပြတဲ့ ကန့်သတ်ချက်တွေထဲမှာ ၀ ဘက်က လိုက်လျောထားတာအများကြီးပါ။ လုံးဝအလျှော့မပေးတာ နအဖဘဲ” – ခေါင်းဆောင်ပိုင်းတဦးက ပြောကြောင်း - ၀ ခေါင်းဆောင်အချို့နှင့် နီးစပ်သူတဦးက ပြောပါသည်။

နယ်စပ်ရှုပ်ထွေးမှုမဖြစ်ပေါ်စေရန် ယူနန်ပြည်နယ်မှ တရုတ်ဆက်ဆံရေးအရာရှိများ ၀ ခေါင်းဆောင်တို့အား ပြီးခဲ့ သည့်အပတ်က တိုက်တွန်းခဲ့ခြင်းဖြစ်သည်။

“တောင်ပိုင်း ၀ နယ်မြေတောင် တပ်ရုပ်ပေးဖို့မဖြစ်နိုင်ဘူး၊ မိုင်းပေါက် မိုင်းဖျဲန်နယ်မြေဆို ပိုဝေးတာပေါ့၊ အဲဒါ မြောက်ပိုင်း ၀ နယ်မြေရဲ့ အသက်ရှူပေါက်ဘဲ”- ဟု ၀ တပ်မှူးတဦးက လည်းဆို၏။

ထို့အပြင် အဆိုပါ ၀ တပ်မှူးက – အမှတ် ၁၇၁ စစ်ဒေသ တောင်ပိုင်း ၀ နယ်မြေမှ ၀ တပ်ရုပ်ပေးရေး စစ်အုပ်စုလိုလားမှု အပေါ်တရုတ်တို့၏တိုက်တွန်းမှုကို လိုက်လျောပေးရန် မဖြစ်နိုင်ကြောင်း၊ တောင်ပိုင်းနယ်မြေအား အသက်ရာထောင်ချီ ရင်း၍ ခွန်ဆာ့လက်မှတိုက်ယူရကြောင်း၊ တောင်ပိုင်းဒေသသို့ ၀ ပြည်သူများ ရွှေ့ပြောင်းခဲ့ စဉ်က ဗိုလ်ချုပ်မှူးကြီး သန်းရွှေ၏ကိုယ်စား ဗိုလ်ချုပ်ခင်ညွန့်က ညွှန်ကြားခဲ့ခြင်းဖြစ်ကြောင်း၊ မိမိတို့ဆန္ဒအရ ပြောင်း ရွှေ့လာခြင်းမဟုတ် ကြောင်း၊ စီးပွားရေးဘက်တွင်လည်း အရင်းအနှီးများစွာ မြုပ်နှံထားခဲ့ရပြီဖြစ်ကြောင်း ဆက်ပြောပါသည်။

သီးခြားအတည်မြုပနိုင်သေးသည့် သတင်းရပ်ကွက်အရ လာမည့် မတ်ခ်ျ ၂၅ ရက်၌ နအဖ နှင့် ၀ တပ်ဖွဲ့ ကိုယ်စားလှယ် များတန့်ယန်းတွင် ထပ်မံတွေ့ဆုံရန် ရှိသည်ဟုဆိုသည်။

ဝ တပ်ဖွဲ့ တပ်ရုပ်ဆုတ်ခွါရန် – နအဖ အလိုရှိသော မိုင်းယန်းမြောက်ဘက် မိုင်းပေါက် နှင့် မိုင်းဖျဲန်ဒေသမှာလည်း ၀ နယ်မြေဖွဲ့စည်းပုံအရ ခရိုင်အဆင့်သတ်မှတ်ပြီး တပ်မဟာ ၄၆၈ ၏ ထိန်းချုပ်နယ်မြေဖြစ်၏။ တောင်ပိုင်း ၀ဒေသတွင် လည်း အမှတ် ၁၇၁ စစ်ဒေသ လက်အောက်ခံ တပ်မဟာ ၅ ခုရှိ၏။

၂၀၀၂ ဧပြီ လားဟူအမျိုးသားဖွံ့ဖြိုးရေးအဖွဲ့ Lahu National Development Organisation ကထုတ်ပြန်သော (Un settling Moves, The Wa forced resettlement in Eastern Shan State ( 1999-2001) အစီရင်ခံစာ အရ ၀ လူထု ၁၂၀,၀၀၀ တောင်ဘက်ပိုင်း (သံလွင်အရှေ့ခြမ်း ထိုင်းနယ်စပ်တလျှောက် မိုင်းဆတ် မိုင်းတုံမြို့နယ်) သို့ပြောင်း ရွှေ့ခဲ့ကြသည်ဟု ထုတ်ပြန်ခဲ့ဘူးသော်လည်း ၀ အာဏာပိုင်များကမူ လူဦးရေ ၈ သောင်းသာပြောင်းရွှေ့ခဲ့သည် ဟု ပြောပါသည်။

ပါရမီ အပြစ်ပေးပုံ

shweone — Tue, 23 Mar 2010 02:30:03 +0000

မြန်မာ့ စီးပွားရေးဦးပိုင် လီမိတက်၏ လုပ်ငန်းတချို့တွင် စည်းကမ်း မလိုက်နာ သူများနှင့် လုပ်ငန်း တိုးတက်ရေး အတွက် ဆောင်ရွက် နိုင်ခြင်း မရှိသူ ဝန်ထမ်းများကို ကြိမ်ဒဏ်နှင့် ငွေဒဏ် ချမှတ် နေကြောင်း သတင်းရရှိသည်။

ဦးပိုင်၏ လုပ်ငန်းတခု ဖြစ်သော ဗန္ဓုလ သယ်ယူ ပို့ဆောင်ရေး လုပ်ငန်းမှ အဓိပတိ (ပါရမီ) အထူးယာဉ် လိုင်းများတွင် စီးပွားရေး အရ အောင်မြင်မှု ရစေရန် အတွက် ယာဉ်မောင်းများနှင့် စပယ်ယာများကို ကြိမ်ဒဏ် ချမှတ် အရေးယူသည့် စနစ် ကျင့်သုံး ရကြောင်း အဆိုပါ လုပ်ငန်းမှ တာဝန် ရှိသူများက ဆိုသည်။

ရန်ကုန် မြို့တွင်း ပြေးဆွဲလျက် ရှိသော အဓိပတိ အထူး ယာဉ်လိုင်းများ အားလုံးတွင် မတ်လဆန်းပိုင်းမှ စတင်၍ သတ်မှတ် ၀င်ငွေ ပြည့်မီအောင် ရှာဖွေ မပေးနိုင်သော ယာဉ်မောင်းနှင့် ယာဉ်နောက် လိုက်များ၊ စည်းကမ်း လိုက်နာမှု မရှိသော ၀န်ထမ်းများကို ကြိမ်ဒဏ်နှင့် ငွေဒဏ် ချမှတ်နေကြောင်း အဆိုပါ ယာဉ်ဝန်ထမ်းများက ပြောသည်။

“ယာဉ်မောင်းတွေရော၊ ကားစပယ်ယာတွေရော ကြိမ်ဒဏ်ပေးတာ။ အဓိက အဓိပတိ အထူးလိုင်းကားတွေမှာ ခုံပြည့်ပဲ တင်ရမယ်လို့ သတ်မှတ်ထားတာကို မတ်တပ်ရပ်စီး ခရီးသည်တင်တာတွေ့ရင်၊ ယူနီဖောင်း သေသေချာချာမ၀တ်ရင်၊ တနေ့ သတ်မှတ်ငွေ မပြည့်ရင် ကြိမ်ဒဏ်ပေးတယ်” ဟု အဓိပတိယာဉ်လိုင်းမှ ယာဉ်မောင်းတဦးက ပြောသည်။

အဓိပတိယာဉ်လိုင်းသည် ပါရမီ အထူးယာဉ်လိုင်းဖြစ်သောကြောင့် ခုံပြည့်သာ တင်ရမည်ဟု သတ်မှတ်ထား သော်လည်း ယခု နောက်ပိုင်းတွင် အပြည့်အကျပ် တင်ကြကြောင်း ရန်ကုန် ခရီးသည်များက ဆိုသည်။

“စဆွဲခါစကတော့ ခုံပြည့်ပဲတင်တာ။ အဲယားကွန်းလည်း ဖွင့်တယ်၊ တီဗီလည်း ပြတယ်။ ခုနောက်ပိုင်းတော့ အပြည့်အကျပ် လိုက်သလောက် တင်တယ်။ လူတွေကလည်း ကျပ်ချင်ကျပ်ပါစေ၊ သွားချင်တဲ့ဆီ အမြန်ရောက်ချင်တော့ အတင်းလိုက်ကြတာပဲ” ဟု ရန်ကုန်မြို့တွင်း နေထိုင်သူ တဦးက ပြောသည်။

ကြိမ်ဒဏ်ပေးရာတွင် အဓိပတိ ယာဉ်လိုင်းများ၏ အုပ်ချုပ်ရေးနှင့် စီမံခန့်ခွဲရေး တာဝန်ရှိသူများ ကိုယ်တိုင် လူအများရှေ့တွင် ရိုက်နှက်ခြင်း ဖြစ်ကြောင်း၊ အပတ်စဉ် ကြိမ်ဒဏ်အရိုက်ခံရသူ အဓိပတိယာဉ်လိုင်းမှ ၀န်ထမ်း ၁၀ ဦးကျော်ရှိကြောင်း သိရသည်။

“ကြိမ်ဒဏ်ရိုက်ရင်တော့ ခွဲမှူးတွေ ကိုယ်တိုင်ရိုက်တာ။ အပြစ် အကြီး၊ အသေးပေါ်မူတည်ပြီး ရိုက်တာ။ အပြစ်တခုအတွက် အနည်းဆုံး သုံးချက်ရိုက်တယ်။ ရိုက်တဲ့ကြိမ်က တော်တော်လေးကြီးတယ်။ အထက်လူကြီးကို ပမာမခန့် လုပ်တာမျိုး ဆိုရင် ကြိမ်လုံးကို နှစ်ချောင်းပူးပြီး ရိုက်တာ” ဟု အဆိုပါ ယာဉ်လိုင်းမှ ယာဉ်နောက်လိုက် တဦးက ဆိုသည်။

အဓိပတိ ယာဉ်လိုင်းတွင် ယင်းသို့ ကြိမ်ဒဏ်ပေးသည့်စနစ်ကို ၀န်ထမ်းအများစုက ကျေနပ်မှု မရှိသော်လည်း ဗန္ဓုလ သယ်ယူပို့ဆောင်ရေး လုပ်ငန်း၏ မန်နေဂျင်း ဒါရိုက်တာ ဒုတိယဗိုလ်မှူးကြီး မျိုးမြင့်၏ညွှန်ကြားချက်ဖြင့် ဆောင်ရွက်ရခြင်း ဖြစ်သည့်အတွက် မလွန်ဆန်ရဲကြကြောင်း သိရသည်။

ယင်းအထူးယာဉ်လိုင်းတွင် ပြေးဆွဲနေသော ယာဉ်စီးရေ ၂၀၀ ကျော်ရှိပြီး ယာဉ်မောင်းနှင့် ယာဉ်နောက်လိုက် ၀န်ထမ်း အများစုသည် ကြိမ်ဒဏ်ပေးသည့် စနစ်ကြောင့် အလုပ်ထွက် လိုသော်လည်း အလုပ်အကိုင် ရှားပါးသည့်အတွက် သည်းခံ လုပ်ကိုင်ကြရ သည်ဟု ယာဉ်မောင်းတချို့က ဆိုသည်။

ဗန္ဓုလ သယ်ယူပို့ဆောင်ရေးလုပ်ငန်း တာဝန်ရှိသူများကမူ ခရီးသွားပြည်သူများအတွက် ယခုကဲ့သို့ ၀န်ထမ်းများကို ကြိမ်ဒဏ်အပြစ် ပေးခြင်းဖြစ်သည်ဟု ပြောသည်။

“လိုင်းကားစီးတဲ့ ခရီးသည်တွေ အဆင်ပြေစေဖို့ ၀န်ထမ်းတွေကို ကြိမ်ဒဏ် အပြစ်ပေးတဲ့ စနစ်သုံးတာပါ။ ကြိမ်ဒဏ် ဆိုတာ ကလည်း အရမ်းရိုက်တာမျိုး မဟုတ်ပါဘူး” ဟု ဗန္ဓုလသယ်ယူပို့ဆောင်ရေး လုပ်ငန်း၏ အုပ်ချုပ်မှုဆိုင်ရာ အရာရှိတဦးက ပြောသည်။

အဓိပတိ ယာဉ်လိုင်း ၀န်ထမ်းများကို ကြိမ်ဒဏ် အပြစ်ပေးလျက်ရှိကြောင်း အဆိုပါ အထူးယာဉ် အားလုံးတွင် စာဖြင့် အသိပေးထားသည်။

ထိုကဲ့သို့ ဝန်ထမ်းများကို ကြိမ်ဒဏ်အပြစ်ပေးခြင်းအပေါ် ပြည်သူအများစုက နှစ်မြို့ခြင်း မရှိဘဲ အာဏာရှင်ဆန်သော လုပ်ရပ်အဖြစ် ရှုမြင်ကြသည်။

“ကြိမ်ဒဏ်ဆိုတဲ့အသံက နားထဲမှာ တမျိုးကြီးပဲ။ တခါမှ အဲဒီလို ဒဏ်မျိုး မကြားဖူးဘူး။ ကြိမ် ဒဏ်အစား တခြား ဒဏ်မျိုးတော့ ပြောင်းပေး သင့်တယ် ထင်တယ်။ စစ်တပ်က စီးပွားရှာတဲ့ နေရာမှာလည်း ရက်ရက်စက်စက် လုပ်တတ်တယ်ဆိုတာ ပြတာပဲ” ဟု ရန်ကုန်မြို့သား တဦးက ပြောသည်။

မြန်မာ့ စီးပွားရေးဦးပိုင် လီမိတက်သည် သယ်ယူပို့ဆောင်ရေး လုပ်ငန်း၊ သင်္ဘောလိုင်း လုပ်ငန်း၊ ဆိပ်ကမ်းများ၊ ဆီဆိုင်များနှင့် ဆီရောင်း ချသည့် လုပ်ငန်း၊ ဘဏ်လုပ်ငန်း အပါအ၀င် ပြည်သူပိုင် လုပ်ငန်း အများအပြားဖြင့် စစ်တပ်ရန်ပုံငွေ ရှာပေးနေသော စီးပွားရေး အစုအဖွဲ့ဖြစ်သည်။

မှတ်ပုံတင်

shweone — Tue, 23 Mar 2010 02:24:31 +0000

ရွေးကောက်ပွဲ ၀င်မည်ဟု ကြေညာ ထားသည့် အဖွဲ့ ၂ ခုက နိုင်ငံရေး ပါတီများအဖြစ် မှတ်ပုံတင်ရန် ရွေးကောက်ပွဲ ကော်မရှင်သို့ ယနေ့ လျှောက်လွှာ တင်လိုက် ကြသည်။

ပထမဆုံး လျှောက်ထားသည့် အဖွဲ့သည် “၈၈ မျိုးဆက်ကျောင်းသား လူငယ်များ(ပြည်ထောင်စု မြန်မာနိုင်ငံ)” ဖြစ်ပြီး ဒုတိယ လျှောက်ထားသည့် အဖွဲ့မှာ “အမျိုးသား နိုင်ငံရေး အဖွဲ့ချုပ် (ပြည်ထောင်စု မြန်မာနိုင်ငံ)” ဖြစ်သည်။

နေပြည်တော်ရှိ ရွေးကောက်ပွဲ ကော်မရှင်ရုံးက လျှောက်လွှာ လက်ခံရ ရှိကြောင်း စာတစောင် ထုတ်ပေးသည်ဟု အမျိုးသား နိုင်ငံရေး အဖွဲ့ချုပ် ခေါင်းဆောင် ကိုအေးလွင်က ဧရာဝတီကို ပြောသည်။

“အစစ အရာရာ ဒီတိုင်းပြည် နောက်ကျ ကျန်ခဲ့တယ်၊ ဒီ လူ့အဖွဲ့ အစည်းက နောက်ကျ ကျန်ခဲ့တယ်လေ၊ အဲဒါအတွက် ကျနော်တို့ နိုင်ငံရေး အရ ဖြည့်ဆည်း စွမ်းဆောင် ပေးနိုင်မယ့် အခွင့် အလမ်းတခု ပေါ်လာပြီလို့ ခံစားမိပါတယ်” ဟု ကိုအေးလွင်က ဆိုသည်။

သူ၏ ညီဖြစ်သူ ကိုရဲထွန်းက ၈၈ မျိုးဆက် ကျောင်းသား လူငယ်များ (ပြည်ထောင်စု မြန်မာနိုင်ငံ) တွင် ဥက္ကဋ္ဌ အဖြစ် တာဝန် ယူထားသည်။ ကိုအေးလွင်သည် စစ်အစိုးရ အာဏာပိုင်များနှင့် ရင်းနှီးသည့် ဆက်ဆံရေး ရှိပြီး မြန်မာနိုင်ငံ ရဲတပ်ဖွဲ့ ရဲချုပ်၊ ရန်ကုန်မြို့တော်ဝန် ဗိုလ်မှူးချုပ် အောင်သိန်းလင်း တို့နှင့် လွန်ခဲ့သည့် ၅ လခန့်က တွေ့ဆုံဆွေးနွေးခဲ့ကြောင်း သိရသည်။

၈၈ မျိုးဆက်ကျောင်းသား လူငယ်များ ဟု အမည်ပေးထားသော်လည်း ထိုအဖွဲ့သည် အကျဉ်းကျခံနေရသော ၈၈ မျိုးဆက် ကျောင်းသား ခေါင်းဆောင် မင်းကိုနိုင်၊ ကိုကိုကြီးတို့၏ အင်အားစုနှင့် သဘောထား တူညီခြင်း မရှိပေ။

ယနေ့ ကော်မရှင်ရုံးသို့ တင်သွင်းသည့် လျှောက်လွှာသည် မှတ်ပုံတင်ရန် ခွင့်ပြုချက် ရရေးအတွက် ဖြစ်သည်ဟု ဆိုသည်။ ကော်မရှင်က မှတ်ပုံတင်ခွင့် ပြုမပြု အကြောင်းပြန်မည့်ရက်ကို မသိရသေးဟု ကိုအေးလွင်က ပြောသည်။

နိုင်ငံရေးပါတီ မှတ်ပုံတင်ခြင်း နည်းဥပဒေ ပုဒ်မ ၇ တွင် “မှတ်ပုံတင်ကြေး ငွေကျပ် သုံးသိန်း ကို ကော်မရှင်က သတ်မှတ်သည့် နည်းလမ်းများ အတိုင်း ပေးသွင်းရမည် ဖြစ်သည်။ ရွေးကောက်ပွဲ ကော်မရှင်မှ ပါတီ တည်ထောင်ရန် ခွင့်ပြုချက်ရသည့်နေ့မှ စ၍ ရက်ပေါင်း ၃၀ အတွင်း မိမိတို့ ပါတီကို နိုင်ငံရေးပါတီအဖြစ် မှတ်ပုံတင်ပေးရန် ကော်မရှင်သို့ လျှောက်ထားရမည်” ဟု ပါရှိသည်။

ဤအတောအတွင်း နိုင်ငံရေး အဖွဲ့ တချို့ကလည်း အမြန်ဆုံး မှတ်ပုံတင်နိုင်ရေးအတွက် စီစဉ်လျက် ရှိသည်။

ဒီမိုကရက်တစ်ပါတီ ခေါင်းဆောင် ဦးသုဝေက“မနေ့က အစည်းအဝေးကတော့ မှတ်ပုံတင်ဖို့ ဆုံးဖြတ်လိုက်ပြီ၊ ကျနော်တို့က ကိုယ်စားလှယ် တယောက် ရွေးပြီး အခု တရက် နှစ်ရက်အတွင်းမှာ နေပြည်တော်ကို လွှတ်လိုက်ရမယ်” ဟု ပြောသည်။

ကချင်လွတ်လပ်ရေး အဖွဲ့ (KIO) မှ ခွဲထွက်ပြီး နိုင်ငံရေး ပါတီ တည်ထောင်ထားသည့် ဒေါက်တာ မနန်တူးဂျာ ဦးဆောင်သော ကချင်ပြည်နယ် တိုးတက်ရေး ပါတီ (KSPP) က မကြာမီ မှတ်ပုံတင်မည်ဟု ဆိုသည်။

ရှမ်းတိုင်းရင်းသား ၀ါရင့်နိုင်ငံရေးသမား ဦးရွှေအုန်းက“အခုမှ ဆွေးနွေးတုန်း ရှိပါသေးတယ်၊ နောက် ၁၀ ရက်လောက် ဆို တင်ဖြစ်ပါလိမ့်မယ်” ဟု ပြောသည်။

ဝန်ကြီးများ ရွေးကောက်ပွဲ ၀င်မည်ဟုဆို

shweone — Thu, 18 Mar 2010 01:49:26 +0000

၂၀၁၀ ရွေးကောက်ပွဲတွင် အစိုးရ အဖွဲ့ဝင် ၀န်ကြီး အများအပြား ၀င်ရောက် ယှဉ်ပြိုင်ရေး အတွက် ကြိုတင် ပြင်ဆင်မှုများ ပြုလုပ်ရန် လက်ရှိ ရာထူးများမှ နုတ်ထွက် ကြမည်ဟု တပ်မတော် အသိုင်းအ၀န်းနှင့် နီးစပ်သူများထံမှ သိရသည်။

ရွေးကောက်ပွဲ ၀င်ကြမည့် ၀န်ကြီး အရေအတွက်မှာ အနည်းဆုံး ၁၂ ဦး ရှိပြီး ထိုဝန်ကြီးများထဲတွင် အမှတ် ၁ စက်မှု ၀န်ကြီး ဦးအောင်သောင်းလည်း ပါဝင်သည်ဟု ဆိုသည်။

“ ရွေးကောက်ပွဲမ၀င်တဲ့ ဒု- ၀န်ကြီးတွေက လစ်လပ်သွားတဲ့ ၀န်ကြီးနေရာတွေကို တွဲကိုင်သွားမှာဖြစ်တယ်” ဟု ရန်ကုန်တိုင်း စစ်ဌာနချုပ်နှင့် နီးစပ်သူတဦးက ပြောသည်။

ယခုနှစ်အတွင်း ရွေးကောက်ပွဲ ကျင်းပသည့်အခါ ထိုဝန်ကြီးများသည် ရန်ကုန်တိုင်း၊ စစ်ကိုင်းတိုင်း၊ ဧရာဝတီတိုင်း၊ ရခိုင်ပြည် နယ်၊ ကချင်ပြည်နယ်တို့တွင် ၀င်ရောက် အရွေးခံကြမည်ဟု ဆိုသည်။

သို့သော် အဆိုပါ ၀န်ကြီးများသည် တသီးပုဂ္ဂလပြိုင်မည် သို့မဟုတ် ပါတီတခုကို ကိုယ်စားပြုပြိုင်မည် ဆိုသည်ကို အတိအကျ မသိရသေးပေ။

“အရပ်သား လွှတ်တော် ကိုယ်စားလှယ် အဖြစ် ၀င်ရောက်ယှဉ်ပြိုင်မယ့် ၀န်ကြီးတွေဆိုရင်တော့ သူတို့နောက်မှာ ကျော ထောက်နောက်ခံ ပါတီတော့ ရှိလိမ့်မယ်။ ဒါပေမယ့် အဲဒီအကြောင်း အသေးစိတ် မသိရသေးဘူး” ဟု စစ်တပ်နှင့်
နီးစပ်သူ တဦးက ဧရာဝတီကို ပြောသည်။

ဝန်ကြီးအချို့ကမူ စစ်အစိုးရ၏ ကျောထောက်နောက်ခံ အဖွဲ့အစည်းဖြစ်သည့် ပြည်ထောင်စု ကြံ့ခိုင်ရေး နှင့် ဖွံ့ဖြိုးရေး အသင်းကို မကြာမီ အသွင်ပြောင်းမည့် နိုင်ငံရေးပါတီ ၃ ခုကို ဦးဆောင်မည်ဟုလည်း သိရသည်။ သို့သော် ကြံ့ခိုင်ရေး အသင်းကမူ ထိုသတင်းနှင့် ပတ်သက်ပြီး တရားဝင် ပြောကြားခြင်း မရှိသေးပေ။

၂၀၀၈ အခြေခံဥပဒေအရ တပ်မတော်အရာရှိ အများအပြားသည် ရွေးကောက်ပွဲ ၀င်ရောက်ရန် မလိုအပ်ဘဲ လွှတ်တော်တွင် နေရာ ရကြမည် ဖြစ်သည်။ လွှတ်တော်များအတွက် ကိုယ်စားလှယ် ၂၅ ရာခိုင်နှုန်းကို တပ်မတော်က ပေးပို့မည် ဖြစ်သည်။

ကျိုင်းတုံတွင် MIG (29) များရောက်ရှိကာ နအဖ စစ်ရေးပြ

shweone — Thu, 18 Mar 2010 01:47:50 +0000

ယခုလ (၁၃) ရက်နေ့က ရှမ်းပြည်အရှေ့ပိုင်း၊ ကျိုင်းတုံမြို့လေဆိပ်တွင် ရုရှနိုင်ငံလုပ် MIG (29) တိုက်လေယာဉ်များ ရောက်ရှိကာ ညအိပ်ရပ်နားခဲ့သည်။

ကျိုင်းတုံတွင် MIG (29) တိုက်လေယာဉ် အဆင်းအတက်များ ယခုလအစောပိုင်းက လုပ်ခဲ့ပြီး ယခုလ (၁၃) ရက်နေ့က ညအိပ်ရပ်နားသည်အထိ ပြုလုပ်ခဲ့ခြင်းဖြစ်ကြောင်း မိုင်းလားဒေသခံတဦးက ပြောသည်။

၎င်းက “ဒီလအစောပိုင်းက ခဏလာတာရှိတယ်။ အခုလ (၁၃) ရက်က ညနေဘက် ရောက်လာတာ (၇) စင်း ရှိတယ် ပြောတယ်။ ညအိပ်သွားသေးတယ်၊ အခုတော့ ပြန်သွားကြပြီ” ဟု ပြောသည်။

မတ်လ (၁၅) ရက်မတိုင်မီ ဝပြည်သွေးစည်းညီညွတ်ရေးတပ်မတော် (UWSA) ခေါ် ဝတပ်ဖွဲ့အား နယ်ခြားစောင့်တပ် အသွင်ပြောင်းရန် ပျက်ကွက်ပါက မတရားအသင်း ကြေညာသွားမည်ဖြစ်၍ တရုတ်အစိုးရအနေဖြင့် ပြောဆိုသိမ်းသွင်းပေးရန်နှင့် မတ် (၁ဝ) ရက်နေ့မတိုင်ခင် ဝတပ်ဖွဲ့နှင့် ထပ်မံတွေ့ဆုံဆွေးနွေးမည်ဖြစ်ကြောင်း နအဖ စစ်ဖက်ရေးရာလုံခြုံရေးအရာရှိချုပ် ဒု-ဗိုလ်ချုပ်ကြီး ရဲမြင့်က တရုတ်ယူနန်အစိုးရထံ မတ် (၃) ရက်နေ့က စာရေးခဲ့ပြီးသည့်နောက်ပိုင်း အပစ်ရပ်နယ်မြေအနီးတွင် စစ်လေယာဉ်များ အဆင်းအတက် ပြုလုပ်ခြင်းဖြစ်သည်ဟု အပစ်ရပ်အဖွဲ့များနှင့် နီးစပ်သူတဦးက ပြောသည်။

၎င်းက “အပစ်ရပ်အဖွဲ့တွေနားမှာ လေယာဉ်လာထားတယ်ဆိုတာ တမင် လာခြိမ်းခြောက်တာပေါ့။ ပြီးတော့ တရုတ်ဘက်ကိုလည်း ဝကို ဖျောင်းဖျဖို့ ပြောထားတဲ့ကြားကနေ လာလုပ်ပြတာ။ (၁ဝ) ရက်နေ့ မတိုင်ခင် ထပ်တွေ့မယ်ဆိုပြီး ပြောထားပေမယ့် လာပြီး ဆက်သွယ်တာ မလုပ်ခဲ့ဘူး။ အမှန်ကတော့ အပစ်ရပ်တွေကော တရုတ်ကိုပါ ကလေးကလား ဆန်ဆန် လုပ်တာပေါ့။ တကယ်တိုက်မယ်ဆိုရင် မိတ္ထီလာကနေ လာပြီး တိုက်လို့ရတာပဲ။ ဒီမှာ ဘာလာထားစရာလိုလဲ။ အပစ်ရပ်အဖွဲ့က အရင်စ မလုပ်မှန်းသိတော့ အနားမှာ လာဟန်ရေးပြတာပေါ့” ဟု ပြောသည်။

ကျိုင်းတုံ၏ အရှေ့မြောက်ဘက်တွင် ရှမ်းပြည်အရှေ့ပိုင်း၊ အထူးဒေသ (၄) အမျိုးသားဒီမိုကရေစီ မဟာမိတ်တပ်မတော် ခေါ် မိုင်းလားတပ်ဖွဲ့နှင့် မြောက်ဘက်တွင် ဝတပ်ဖွဲ့ထိန်းချုပ် နယ်မြေများရှိနေပြီး အဆိုပါ (၂) ဖွဲ့လုံးသည် နယ်ခြားစောင့်တပ် အသွင်ပြောင်းရန် သဘောမတူနိုင်ဘဲ ဖြစ်နေသည်။

နအဖက ၂ဝဝ၁ ခုနှစ်အတွင်း အမေရိကန်ဒေါ်လာ သန်း (၁၃ဝ) တန်ဖိုးရှိ ရုရှနိုင်ငံလုပ် MIG (29) တိုက်လေယာဉ် (၁ဝ) စီးကို ဝယ်ယူခဲ့သည်။

ငွေစက္ကူ အတုကြောင့် မြ၀တီမှ ရှေ့နေတဦး အဖမ်းခံရ

shweone — Tue, 16 Mar 2010 02:39:19 +0000

ကရင်ပြည်နယ် မြ၀တီမြို့ရှိ ရှေ့နေ တဦးထံတွင် ကျပ်တထောင်တန် ငွေစက္ကူ အတုများ တွေ့ရှိရသဖြင့် သောကြာနေ့က ဖမ်းဆီး ထိန်းသိမ်း လိုက်ကြောင်း မြ၀တီမြို့ ရဲစခန်းက ပြောသည်။

ဖမ်းဆီး ခံရသူသည် မြ၀တီမြို့ အမှတ် ၄ ရပ်ကွက်၊ အာရှ လမ်းမကြီးပေါ်တွင် ရုံးခန်းဖွင့်ထားသူ ဦးဖိုးမှန် ဖြစ်သည်ဟု သိရသည်။

ထိုနေ့က ဦးဖိုးမှန်သည် မန္တလေးရှိ သမီးဖြစ်သူ မစန္ဒာအေးထံသို့ ဘဏ်မှတဆင့် ငွေလွှဲစဉ် တထောင်တန် အတု အရွက် ၈၀ ပါဝင်သည်ကို စစ်ဆေး တွေ့ရှိရကြောင်း မြန်မာ့ မွေးမြူရေးနှင့် ရေလုပ်ငန်း ဖွံ့ဖြိုးရေး ဘဏ်၏ မြ၀တီ ဘဏ်ခွဲက ပြောသည်။

“ငွေစက္ကူ တွေကတော့ (အစစ်နဲ့) တော်တော့ကို တူတယ်။ မတူတာက လုံခြုံရေး စာတမ်းကိုသာ သူတို့ မထည့် နိုင်တာရယ်၊ တထောင်တန် ဆိုတဲ့ ရေခံစာကို မရေးနိုင်တာက လွဲရင် ကျန်တာ အားလုံး တူတယ်” ဟု ဘဏ်မန်နေဂျာ ဒုဗိုလ်မှူးကြီး ငွေဝင်းက ဧရာဝတီသို့ ရှင်းပြသည်။

ဦးဖိုးမှန်သည် ထိုငွေများကို မြ၀တီရှိ ခြံအရောင်း အ၀ယ်စာချုပ်တခုတွင် အကျိုးဆောင် ပေးအပြီး ရရှိခြင်း ဖြစ်သည်ဟု ဒေသခံများထံမှ သိရသည်။

ဤအမှုနှင့် ပတ်သက်ပြီး သံသယ ဖြစ်ဖွယ် ပုဂ္ဂိုလ်များကို ခေါ်ယူ စစ်ဆေးသည် ဟူသော သတင်းများ မကြားသိရ သေးပေ။

မြ၀တီ ရဲစခန်းမှ ရဲတပ်ဖွဲ့ဝင် တဦး၏ အဆိုအရ ဦးဖိုးမှန်သည် မြဝတီမြို့ရှိ ငွေတု အမှုတခုတွင် လိုက်ပါ ဆောင်ရွက် ပေးနေသူ ဖြစ်သည်။

“အမှု မပြတ်သေးဘူး။ အဲဒီ အမှုမှာ သူက တရားခံဘက်က ရှေ့နေ လိုက်တယ်” ဟု သူက ပြောသည်။

ထိုင်း-မြန်မာ နယ်စပ်တွင် ကျပ်ငွေ အတုနှင့် ပတ်သက်သည့် သတင်းများ မကြာခဏ ပေါ်ပေါက်လေ့ ရှိသည်။

ဇေတဝန် ကျောင်းအတွင်း တရားမဝင် ကျွန်းသစ်များ ဖမ်းဆီး

shweone — Tue, 16 Mar 2010 02:36:03 +0000

ပဲခူးမြို့ ဥဿမြို့သစ်ရပ်၊ ဇေတဝန် ဘုန်းတော်ကြီးကျောင်းဝင်းအတွင်းမှ တရားမဝင် ကျွန်းသစ်များအား ယနေ့မနက် ၂ နာရီ၌ ဖမ်းဆီးမိကြောင်း သက်ဆိုင်ရာ မြို့ခံအာဏာပိုင်များထံမှ သိရသည်။

ပဲခူး-ရန်ကုန် ကားလမ်းမကြီးဘေး ဥဿာမြို့သစ်ရပ်ကွက်ကြီး အမှတ် ၆ ရှိ “ဇေတဝန်ကျောင်း” အတွင်း၌ တရားမဝင်သစ်များ ရောက်နေကြောင်း “ရပ်ကွက်သတင်းပေးချက်” အရ ပဲခူး အမှတ် ၃ ရဲစခန်း၊ သစ်တောရေးရာဦးစီးဌာန၊ မယကနှင့် ရယကတို့က ပူးပေါင်းဖမ်းဆီးခဲ့သည်ဟု သိရခြင်း ဖြစ်သည်။

“ကျောင်းဝင်းအတွင်းမှာပဲ ၁ဝ ဘီးကား ၂ စီး ဖမ်းလိုက်တယ်။ ဘယ်လောက်မိတယ်၊ တန်ချိန် ဘယ်လောက်ဆိုတာ။ အစီရင်ခံစာ ရောက်လာမှ အသေးစိတ် ပြောပြနိုင်မယ်။ အခုရုံးကို ဘာတခုမှ ရောက်မလာသေးဘူး” ဟု ပဲခူးမြို့ သစ်တောရေးရာ ဦးစီးဌာန အရာရှိတဦးက မဇ္ဈိမကို ပြောသည်။

ပဲခူး အမှတ် ၃ ရဲစခန်း တာဝန်ကျ ရဲအရာရှိတဦးကလည်း “မနက်တုန်းကတော့ ကျနော်တို့နဲ့ မယကနဲ့ သစ်တောလည်း ပါတယ်။ ဘုန်းကြီးကိုတော့ လောလောဆယ်တော့ ဘာမှဆုံးဖြတ်လို့ မရသေးပါဘူး။ စခန်းမှူးကိုယ်တိုင် ဒီကိစ္စကို ကိုင်တွယ်နေတာ ဖြစ်ပါတယ်” ဟု မဇ္ဈိမကို ပြောသည်။

ဇေတဝန်ကျောင်းထိုင်ဆရာတော် ဘဒ္ဒန္တအိန္ဒာစက္ကသည် သစ်မှောင်ခိုအဖြစ် နာမည်ထွက်နေပြီး ပြီးခဲ့သည့်နှစ် သြဂုတ်လပိုင်းကလည်း နေပြည်တော်မှ အာဏာပိုင်များ ရောက်လာပြီး ယင်းကျောင်းဝင်းအတွင်း၌ ဝင်ရောက်ရှာဖွေမှုများ ပြုလုပ်ခဲ့ကြောင်း သိရသည်။

ဆရာတော်သည် အာဏာပိုင်များနှင့် နီးစပ်သူတဦးဖြစ်ပြီး ၂ဝဝ၇ ရွှေဝါရောင် ဆန္ဒပြသံဃာတော်များကို သံဃာအတုများဟု ဆိုကာ စစ်အစိုးရကို နှိမ်နင်းခွင့်ပြုခဲ့သူ ပဲခူးကြခတ်ဝိုင်းဆရာတော်၏ တူအရင်း တော်စပ်သည်ဟုလည်း ပဲခူးမြို့ခံများက ဆိုကြသည်။

ဆရာတော် ဘဒ္ဒန္တအိန္ဒာစက္က ကမူ တရားမဝင် သစ်လုပ်ငန်းလုပ်နေကြောင်း စွပ်စွဲချက်ကို ငြင်းဆိုလိုက်ပြီး “ကျောင်းက ပဲခူး-ရန်ကုန် ကားလမ်းဘေးဆိုတော့ ဒီမှာလာပြီး ကုန်တင်ကုန်ချလုပ်တာ။ ပန်းဆွဲတွေ၊ ပန်းပုတွေလုပ်ဖို့ သစ်တွေပါ။ ကားနှစ်စီး ဖင်ချင်းဆိုင်ပြီးတော့ တင်နေတာ။ တာဝန်ရှိတဲ့ ပုဂ္ဂိုလ်တွေတော့ မှတ်တမ်းယူနေတယ်။ ဘုန်းကြီးကိုတော့ ဘာမှ မမေးပါဘူး” ဟု မဇ္ဈိမကို မိန့်ကြားသည်။

ဆရာတော်က ဇေတဝန်ဝန်းအတွင်း၌ ကျောင်းဆောင်များကို “နိုင်ငံတော်အကြီးအကဲ” များက လှူဒါန်းခြင်း၊ ကျောင်းတွင်လည်း လာရောက်တရားထိုင်လေ့ရှိခြင်းတို့အပေါ် ရပ်ကွက်သားတချို့က မကျေနပ်သဖြင့် တိုင်ကြားခြင်း ဖြစ်သည်ဟု မိန့်သည်။

ဥဿာမြို့သစ်ရပ်ကွက်ခံ တဦးကမူ ယခုသစ်ခိုးထုတ်မှုတွင် အာဏာပိုင်များ ပါဝင်ပတ်သက်နိုင်သည်ဟု စွပ်စွဲပြောဆိုလိုက်သည်။

“ကားအစီးလိုက် ကျောင်းဝန်းထဲမှာ မိတာပဲ ဘယ်နှကြိမ် ရှိပြီလဲ။ ဒီသစ်တွေက ပဲခူးရိုးမဘက်က လာတာ။ ဒီလမ်းကြောင်းမှာလည်း သစ်တောအဖွဲ့နဲ့ အာဏာပိုင်တွေကို ဖြတ်လာတယ်ဆိုတာ စဉ်းစားကြည့်လေ။ အခုလည်း ရပ်ကွက်က စာနဲ့တမျိုး၊ ဖုန်းနဲ့တဖုံ တိုင်လို့ အခုလို လုပ်တာ” ဟု သူက ပြောသည်။

အခြားအရပ်သားတဦးကလည်း “ကျောင်းမှာက နိုင်ငံတော် အကြီးအကဲတွေ လာတယ်။ တရားထိုင်တယ်။ လှူတယ်ဆိုတဲ့ အရှိန်ရှိတယ်။ တော်ရုံရဲက ဖြုံတာပေါ့။ တချို့ရဲတွေဆိုရင် သူက ဟောက်လွှတ်တာ။ အခုကိစ္စမှာ အထက်က အမိန့်ပါလို့ ဖြစ်မယ်” ဟု ပြောသည်။

ဆရာတော် ဘဒ္ဒန္တအိန္ဒာစက္က၏ ကျောင်းတွင် ယခင်နှစ် သြဂုတ်လ ၂၅ ရက်နေ့ကလည်း နေပြည်တော်တိုင်းမှ တာဝန်ရှိသူများ အပါအဝင် မြို့ခံရဲ၊ စရဖနှင့် သစ်တောရေးရာဦးစီးဌာနတို့ ပူးပေါင်းဝင်ရောက်ရှာဖွေခြင်းများ ပြုလုပ်ခဲ့သေးသည်။ ဆရာတော်ကိုမူ တစုံတရာ အရေးယူခြင်း မရှိခဲ့ပေ။

ရွေးကောက်ပွဲ ၀င်ရေး မ၀င်ရေး NLD ဆုံးဖြတ်တော့မည်

shweone — Tue, 16 Mar 2010 02:34:36 +0000

အမျိုးသား ဒီမိုကရေစီ အဖွဲ့ချုပ် (NLD) ၏ ရပ်တည်ရေးနှင့် ပတ်သက်ပြီး မတ်လ၂၉ ရက်နေ့တွင် ကျင်းပမည့် ပါတီ ဗဟိုဦးစီးများ အစည်း အဝေးမှ ဆုံးဖြတ် သွားမည် ဖြစ်ကြောင်း ယနေ့ ဆွေးနွေးခဲ့ ကြသည်ဟု NLD က ပြောသည်။

ရန်ကုန်မြို့ NLD ရုံးချုပ်၌ ယနေ့ နေ့လယ် ၁ နာရီမှ ညနေ ၃ နာရီခွဲ အထိ ကျင်းပသော အစည်း အဝေးတွင် ယင်းသို့ ပါတီ ရပ်တည် ရေးနှင့် ပတ်သက်၍ ဆွေးနွေး ခဲ့ကြခြင်း ဖြစ်သည်ဟု NLD ပြောရေး ဆိုခွင့်ရှိသူ တဦး ဖြစ်သည့် ဦးခင်မောင်ဆွေက ပြောဆိုသည်။

“ဒီနေ့ အစည်း အဝေးဟာ ပါတီ ဆက်လက် ရပ်တည်ရေး အတွက် ပါသလို၊ ရွေးကောက်ပွဲ ဥပဒေ၊ နိုင်ငံရေး ပါတီများ မှတ်ပုံ တင်ခြင်း ဥပဒေ တွေဟာ ဒီမိုကရေစီ ကျင့်စဉ်နဲ့ အညီ ပါတီတွေ ဖွဲ့နိုင်တဲ့ အနေ အထားကို ရောက်မလာတဲ့ အတွက်ကြောင့် ဒီဥပဒေ အပေါ်မှာ ရင်ဆိုင် သွားမယ် ဆိုတဲ့ သဘောာထား တရပ်ကို ဒီနေ့ချမှတ် ဖြစ်ကြပါတယ်”ဟု ၎င်းက ဧရာဝတီသို့ ပြောသည်။

NLD သည် ပြီးခဲ့သည့် နှစ် ဧပြီလအတွင်းက ထုတ်ပြန်ခဲ့သော ရွှေဂုံတိုင် ကြေညာစာတမ်းပါ နိုင်ငံရေးအကျဉ်းသား အားလုံး ခြွင်းချက် မရှိ လွှတ်ပေးရန်၊ ၂၀၀၈ ဖွဲ့စည်းပုံအခြေခံ ဥပဒေကို ပြန်လည် သုံးသပ်ပြင်ဆင်ရန်နှင့် ရွေးကောက်ပွဲတွင် အလွှာ အသီးသီး ပါဝင်ပြီး နိုင်ငံတကာက စောင့်ကြည့်လေ့လာခွင့်ပြုရန် စသည့်အချက်များကို စစ်အစိုးရက လိုက်လျောလျင် ၂၀၁၀ ရွေးကောက်ပွဲ ကိုလက်ခံမည်ဟူသော မူပေါ်တွင် ရပ်တည်ထားသည်။

စစ်အစိုးရက ၂၀၁၀ ရွေးကောက်ပွဲနှင့် ပတ်သက်ပြီး မတ်လ ၉ ရက်နေ့မှစတင်၍ အစိုးရပိုင် နေ့စဉ်ထုတ် သတင်းစာများတွင် ရွေးကောက်ပွဲကော်မရှင်ဥပဒေ၊ နိုင်ငံရေး ပါတီများ မှတ်ပုံတင်ခြင်း ဥပဒေ၊ ပြည်သူ့လွှတ်တော် ရွေးကောက်ပွဲဥပဒေနှင့် အမျိုးသား လွှတ်တော် ရွေးကောက်ပွဲ ဥပဒေများကို ထုတ်ပြန်ခဲ့ပြီးဖြစ်သည်။

နိုင်ငံရေး ပါတီများ မှတ်ပုံတင်ခြင်း ဥပဒေတွင် အခန်း (၂) နိုင်ငံရေးပါတီ တည်ထောင်ခြင်းနှင့် မှတ်ပုံတင်ခြင်း ခေါင်းစဉ်အောက်မှ နံပါတ် ၄ တွင် ပါတီ တည် ထောင်လိုသူများ ကိုက်ညီရမည့် အချက်များဖော်ပြရာ၌ (င) တွင် ထောင်ဒဏ်ကျခံနေရသူ မဟုတ်ခြင်းဟု ထည့်သွင်းထားသည်။

NLD အနေဖြင့် ယင်းဥပဒေအရ ပါတီမှတ်ပုံ တင်ခြင်း ပြုလုပ်ပါက နေအိမ်အကျယ်ချုပ်ကျနေသည့် ပါတီခေါင်းဆောင် ဒေါ်အောင် ဆန်း စုကြည်ကို ပါတီမှ ထုတ်ပယ်ရမည် ဖြစ်ပြီး ပါတီ၏ မူဝါဒ ဖြစ်သော ရွှေဂုံတိုင် ကြေညာစာတမ်းကိုလည်း ဖျက်သိမ်းရမည့် အတွက် အကျပ်အတည်းဖြင့် ရင်ဆိုင် နေရသည်။

နိုင်ငံရေး ပါတီများ မှတ်ပုံတင်ခြင်း ဥပဒေ၌ တည်ဆဲ ပါတီများသည် ရက်ပေါင်း ၆၀ အတွင်း ရွေးကောက်ပွဲ ကော်မရှင်သို့ လျှောက်ထားရန်ပျက်ကွက်ပါက နိုင်ငံရေးပါတီအဖြစ်မှ အလိုအလျောက် ပျက်ပြယ်သွားမည်ဟုလည်း ပါရှိသည်။

စစ်အာဏာရှင် စနစ်ကို နှစ်ပေါင်း ၂၀ ကျော်ကြာ ဆန့်ကျင် တော်လှန်နေသော်လည်း အောင်မြင်မှု မရသေးသော NLD သည် တရားဝင် ပါတီအဖြစ် ဆက်လက် ရပ်တည် မည်လော သို့မဟုတ် ပါတီ အဖျက်သိမ်း ခံမည်လော ဆိုသည်ကို လာမည့် မေလ ၇ ရက်နေ့ မတိုင်မီ ဆုံးဖြတ်ချက်ချရတော့မည် ဖြစ်သည်။

NLD ခေါင်းဆောင် တဦးဖြစ်သူ ဦးဝင်းတင်ကမူ စစ်အစိုးရမှ ထုတ်ပြန်လျက်သော ရွေးကောက်ပွဲ ဥပဒေ၊ နိုင်ငံရေး ပါတီများ မှတ်ပုံတင်ခြင်း ဥပဒေများကြောင့် ပါတီရပ်တည်ရေးအတွက် အကျပ်အတည်းဖြစ်သော်လည်း NLD အနေဖြင့် ရွှေဂုံတိုင် ကြေညာ စာတမ်းအတိုင်းသာ ရပ်တည်လျက်ရှိနေကြောင်း ပြောဆိုသည်။

ဦးဝင်းတင်က ဆက်လက်၍ NLD အနေနှင့် ရွှေဂုံတိုင် ကြေညာစာတမ်းကို လက်ကိုင်စွဲထားပြီး အောင်မြင်သည်အထိ ဆောင်ရွက် သွားမည် ဖြစ်ကြောင်း၊ ပြည်သူလူထုအနေနှင့်လည်း NLD ၏ မူတရပ်ဖြစ်သော ရွှေဂုံတိုင် ကြေညာစာတမ်းကို နားလည်လက်ခံပြီး NLD အဖွဲ့သာမက တိုင်းရင်းသား အဖွဲ့များအားလုံးနှင့် ပြည်သူလူထုအနေဖြင့်လည်း ရွှေဂုံတိုင် ကြေညာစာတမ်းကို ကိုင်စွဲကြရန်၊ စည်းလုံးညီညွှတ်ကြရန် တိုက်တွန်းပြောဆိုသည်။

စစ်အစိုးရ၏ ရွေးကောက်ပွဲ ဥပဒေသည် ဒေါ်အောင်ဆန်းစုကြည်၊ ၈၈ မျိုးဆက် ကျောင်းသားများ၊ ၁၉၉၀ ရွေးကောက်ပွဲ အတွင်း ဒုတိယအများဆုံး မဲရရှိခဲ့သည့် ရှမ်း တိုင်းရင်းသားများ ဒီမိုကရေစီ အဖွဲ့ချုပ် (SNLD) ခေါင်းဆောင် ခွန်ထွန်းဦးတို့ အပါအ၀င် နိုင်ငံရေးအကျဉ်းသားများ အားလုံးကို လာမည့် ရွေးကောက်ပွဲတွင် မပါဝင်နိုင်ရေးအတွက် စနစ်တကျ ပြင်ဆင် ရေးဆွဲထားခြင်း ဖြစ်ကြောင်း နိုင်ငံရေးသမား အများအပြားက ပြောဆိုနေကြသည်။

NLD နှင့် SNLD တို့သည် ဖျက်သိမ်းခံရမှုမှ ရှောင်ရှားနိုင်ရန် ခေါင်းဆောင်များကို ထုတ်ပယ်၍ ပါတီ မှတ်ပုံတင်ရန် ဆုံးဖြတ်မည် ဆိုပါကလည်း ရွေးကောက်ပွဲတွင် ၀င်ရောက် ယှဉ်ပြိုင်ခြင်း မရှိလျှင် ပါတီဖျက်သိမ်းခံရမှု အန္တရာယ်နှင့် ရင်ဆိုင်ရမည် ဖြစ်သည်။

ယနေ့ကျင်းပသော NLD အစည်းအဝေးသို့ ကျန်းမာရေးကြောင့် နေအိမ်တွင် အနားယူနေရသော ဥက္ကဌ ဦးအောင်ရွှေ အပါအ၀င် CEC ၂၀ ခန့် တက်ရောက်ခဲ့ပြီး ဒုတိယဥက္ကဌ ဦးတင်ဦးနှင့်အတူ အခြား CEC အဖွဲ့ဝင်များက NLD ရပ်တည် ရေးအတွက် တွေ့ဆုံ ဆွေးနွေးခဲ့ကြကြောင်း သိရှိရသည်။

နောက်ဆုံးရသတင်း

shweone — Tue, 16 Mar 2010 02:33:05 +0000

ဦးအောင်ရွှေ က ဒေါ်စုထံသို့ ရွေးကောက်ပွဲ ၀င်ချင်တဲ့ အကြောင်း ၊ ပါတီ ဖျက်သိမ်းမခံရအောင်လည်း ကြိုးစား ခဲ့တဲ့ အကြောင်း ဦးဥာဏ်ဝင်းမှတဆင့် အကြောင်းကြားပါသည် ။ ဒေါ်စုက ၂၀၁၀ ရွေးကောက်ပွဲ ကို လည်းကောင်း ။ ပါတီဖျက်သိမ်းခံရမှာကိုလည်းကောင်း စိတ်မ၀င်စားကြောင်း။ ပြည်သူတွေရဲ့ အကျိုးစီးပွားသာ စိတ်ဝင်စားကြောင်း ပြန်ကြားခဲ့ပါသည်။

တိုက်ပြိုပြီး အချိန်မီမကယ်နိုင်၍ ဆယ်တန်းဖြေကျောင်းသူ သေဆုံး

shweone — Tue, 16 Mar 2010 02:30:15 +0000

မတ်လ (၁၄) ရက်၊ ညနေ (၄) နာရီ (၄၅) မိနစ်တွင် ပန်းဘဲတန်း မြို့နယ်ရှိ သုံးထပ်တိုက်ပြိုကျသဖြင့် တက္ကသိုလ်ဝင်ခွင့်စာမေးပွဲ ဖြေဆိုနေသူ ကျောင်းသူတဦး သေဆုံးသွားသည်။

ဖြစ်ပွားမှုကို သွားရောက်ကြည်ရှုခဲ့သူတဦးက “သေဆုံးသူ မိန်းကလေးတဦးရဲ့ လက်ထဲမှာတော့ မိုဘိုင်းဖုန်းတလုံး ကိုင်ထားတာ တွေ့တယ်။ သူမအနေနဲ့ အပြင်ကို နောက်ဆုံး ဘယ်အချိန်က ဆက်သွယ်ခဲ့သလဲ၊ ဆက်သွယ်လို့ ရမရ ဆိုတာကိုတော့ မသိရဘူး” ဟု ပြောသည်။

လမ်း (၃၀) တွင် နေထိုင်သူ တဦးအဆိုအရ သေဆုံးသွားခဲ့သော မိန်းကလေးမှာ ပြင်ပသို့ ဖုန်းဖြင့် နှစ်ကြိမ်ဆက်သွယ်ခဲ့ကြောင်း၊ တိုက်ပြိုကျပြီး (၁) နာရီကျော်ကျော်ကြာမှသာ ရပ်ကွက်အတွင်းမှ ပြည်သူများ၊ မီးသတ်နှင့် အရန်မီးသတ်တို့က တနိုင်တပိုင် ၀င်ရောက် ရှင်းလင်းကြကြောင်း၊ ကရိန်းကားအလတ်စားဖြင့်လည်း အပျက်အစီးများကို ဖယ်ရှားနေသည်ကိုတွေ့ရကြောင်း၊ ထိထိရောက်ရောက်နှင့် မြန်မြန်ဆန်ဆန် မရှင်းလင်းနိုင်သဖြင့် အတွင်း၌ ပိတ်မိနေသူအား အချိန်မီ မကယ်တင်နိုင်ခဲ့ခြင်း ဖြစ်ကြောင်း သိရသည်။

“ကရိန်းတွေနဲ့ ဖယ်နေတုန်းပဲ ရှိပါသေးတယ်။ အထဲမှာ ကလေးမလေးတယောက် ပိတ်မိနေတယ်။ ပြိုကျပြီး (၂) နာရီ ကျော်လောက်မှ အရေးပေါ်ကား သွားသံကြားရတာ။ အသက်ရှင်ဖို့ သိပ်မလွယ်ဘူး” ဟု အနီးဝန်းကျင်၌ နေထိုင်သူတဦးက အခင်းဖြစ်ပွားနေစဉ်က ပြောပြသည်။

အဆိုပါဆယ်တန်းကျောင်းသူမှာ တိုက်ပြိုကျပြီး အတွင်း၌ ပိတ်မိနေစဉ် သူမ၏ဖခင်ကိုင်သော လက်ကိုင်ဖုန်းကို ဆက်သွယ်၍ သူမအထဲတွင် ရှိနေကြောင်းနှင့် မှောင်မဲနေသဖြင့် ကြောက်နေကြောင်းကို ဖုန်းဆက်ပြောခဲ့ကြောင်း၊ သူမ ဖုန်းဆက်ပြီး မကြာခင်မှာပင် အဆိုပါတိုက်မှာ ထပ်မံပြိုကျသွားခဲ့ကြောင်း သူမအား ပြင်ပမှဖုန်းဖြင့် ပြန်လည်ခေါ်ဆိုသော်လည်း လုံးဝအဆက်သွယ်မရခဲ့ဘဲ ည (၈) နာရီကျော်မှသာ သူမ၏အလောင်းကို ပြန်လည်ရရှိခဲ့ကြောင်း ရန်ကုန်မြို့တော် စည်ပင်သာယာရေးကော်မတီမှ တာဝန်ရှိသူတဦးက ပြောပြသည်။

ပြိုကျသည့်နေ့သည် တနင်္ဂနွေနေ့ဖြစ်ခြင်းကြောင့် တိုက်အောက်ဘက် ဆိုင်ခင်းရောင်းချသူအချို့ ဆိုင်ပိတ်ထားသကဲ့သို့ တိုက်ထဲနေသူအချို့လည်း အပြင်ထွက်နေခြင်းကြောင့် လူများစွာ မပိတ်မိသော်လည်း ပြိုကျပြီး (၁) နာရီခွဲခန့်ကြာသည်အထိ ဝါးငြမ်းများကို ဖယ်ရှားမပစ်နိုင်ကြောင်း မျက်မြင်သက်သေများက ပြောသည်။

အခင်းဖြစ်ပွားရာသို့ မီးသတ်ယာဉ် (၂) စီးလည်း ရောက်ရှိလာပြီး ညဘက်တွင် အဆိုပါကားပေါ်မှ မီးဆလိုက်ကြီးများ ထိုးပေးကာ ကရိန်းကားကြီးနှစ်စီးက လေးလံသည့် အုတ်တုံး၊ သံယက်မကြီးများကို ဆွဲယူဖယ်ရှားကြောင်း၊ ည (၁၁) နာရီခန့်တွင် သေဆုံးသူ မိန်းကလေးကို ဆွဲထုတ်နိုင်ခဲ့ကြောင်း သွားရောက်ကြည့်ရှုခဲ့သူတဦးက ပြောသည်။

ယခုပြိုကျခဲ့သော အမှတ် (၆၃၆) ကုန်သည်လမ်းနှင့် လမ်း (၃၀) ထောင့်ရှိ သံကူကွန်ကရစ် သုံးထပ်တိုက်ကို လွန်ခဲ့သော (၄) လ ခန့်ကတည်းက အန္တရာယ်ရှိ အဆောက်အအုံဟူသော ဆိုင်းဘုတ်ကို လာရောက်တပ်သွားကြောင်း၊ ပြိုကျသည့်နေ့အထိ သုံးထပ်စလုံးတွင် နေထိုင်သူတို့ရှိကြောင်း၊ ပြိုကျစဉ် နေထိုင်သူအချို့မှာ ပြင်ပသို့ရောက်နေ၍လည်းကောင်း၊ အချို့မှာ ပြိုကျကျချင်း အပြင်သို့ ပြေးထွက်နိုင်ခဲ့သဖြင့် လွတ်မြောက်ခဲ့ကြောင်း မျက်မြင်တွေ့ကြုံသူများထံမှ သိရသည်။

တိုက်ပြိုပြီးနောက် (၂) နာရီခန့် အကြာတွင် အပေါ်ထပ်ပြတင်းပေါက်ဘောင်များ ထပ်မံပြိုကျခဲ့သဖြင့် တိုက်ပျက်ရှင်းလင်းနေသူ မီးသတ်တပ်ဖွဲ့ဝင် (၃) ဦး ဒဏ်ရာရခဲ့ကြောင်း အခင်းဖြစ်ပွားမှုကို လာရောက်ကြည့်ရှုသူတဦးက ပြောသည်။

အဆိုပါတိုက်ခန်းအနီး နေထိုင်သူတဦးက အန္တရာယ်ရှိ အဆောက်အအုံအဖြစ် ကြေညာပြီးနောက် လူများကို ဆက်လက် နေထိုင်ခွင့်ပြုထားခြင်း၊ ကန်ထရိုက်ကို ပြင်ဆင်ခွင့်ပေးခြင်းကိုကြည့်လျှင် ရန်ကုန်မြို့တော် စည်ပင်သာယာရေးကော်မတီက မည်မျှအထိ လာဘ်စားသည်ကို သိနိုင်ကြောင်း၊ တိုက်ခန်းနေပြည်သူများအနေဖြင့်လည်း တိုက်ကို ဖြိုချပြီး ပြန်ဆောက်ပါက ပြန်လည်ပိုင်ဆိုင်ခွင့်ရရန် မသေချာမှု၊ ကန်ထရိုက်ကို ပေးရမည့်ငွေ၊ ပိုင်ဆိုင်ခွင့်အတွက် စည်ပင်ကို လာဘ်ထိုးရမည့်ငွေတို့ကို တွက်ချက်ပြီး မပြောင်းရွှေ့ကြခြင်းဖြစ်ကြောင်း ပြောသည်။

တိုက်ပြိုသောနေရာသို့ ရန်ကုန်မြို့တော်ဝန်ရောက်ရှိလာပြီး ဓာတ်ပုံရိုက် သတင်းယူနေကြသော သတင်းထောက်များကို ရိုင်းပျစွာ ဆဲဆိုမောင်းထုတ်ခဲ့သည်ဟု သတင်းထောက်တဦးက ပြောပြသည်။

အန်အယ်ဒီရုံးများ ပြန်ဖွင့်ခွင့်ရ

shweone — Fri, 12 Mar 2010 02:17:18 +0000

စစ်အစိုးရက ချိတ်ပိတ်ထားရသည့် တိုင်းနှင့် ပြည်နယ်အသီးသီးမှ အမျိုးသား ဒီမိုကရေစီ အဖွဲ့ချုပ်ရုံး များ၏ သုံးပုံတပုံခန့် ယခုအခါ ပြန်လည်ဖွင့်ခွင့်ရပြီ ဖြစ်သည်။

တိုင်းနှင့် ပြည်နယ်များ၌ အန်အယ်ဒီ ရုံးပေါင်း ၃ဝဝ ကျော်ရှိသည့်အနက် ယမန်နေ့မှစ၍ ပြန်ဖွင့်ခွင့်ရ သည့် အန်အယ်ဒီ ရုံးပေါင်း ၁ဝဝ ကျော်ရှိသွားပြီဖြစ်ကြောင်း ပါတီ ဗဟိုအလုပ်အမှုဆောင် ဦးဝင်းတင်ထံမှ သိရသည်။

“မနေ့ ညနေပိုင်းကနေ မန္တလေးတိုင်း ဥက္ကဌတွေကို အရင်ခေါ်ပြီးတော့ ရုံးဖွင့်လို့ရပြီ။ တိုင်းအောက်မှာ ရှိတဲ့ ရုံးတွေလည်း ဖွင့်လို့ရပြီလို့ပြောတယ်။ စစ်ကိုင်းတိုင်း၊ ကချင်ပြည်နယ်တွေပါတယ်။ ဆိုတော့ ၁ဝဝ ကျော်လောက် ဖွင့်လို့ရပြီ” သူက မဇ္ဈိမကို ပြောသည်။

ရန်ကုန်တိုင်း၊ မန္တလေးတိုင်း၊ စစ်ကိုင်းတိုင်း၊ ရှမ်းပြည်နယ်၊ ကချင်ပြည်နယ်၊ ရခိုင်ပြည်နယ် စသည့် တိုင်းနှင့် မြို့နယ်များမှ ပါတီရုံးများ ဖွင့်ခွင့်ရနေပြီဖြစ်ကြောင်းလည်း သိရသည်။

သို့သော် ရုံးများပြန်ဖွင့်ခွင့်ပေးနေခြင်းကို ရန်ကုန်မြို့ အန်အယ်ဒီ ဗဟိုရုံးချုပ်သို့ စစ်အစိုးရက တစုံတရာ အကြောင်းကြားခြင်း မရှိကြောင်း အန်အယ်ဒီ အခြား ဗဟိုအလုပ်အမှုဆောင် တဦးဖြစ်သူ ရှေ့နေ ဦးဥာဏ်ဝင်းကပြောသည်။

“သက်ဆိုင်ရာ တိုင်း၊ ပြည်နယ်၊ မြို့နယ် အန်အယ်ဒီကလူတွေကို ဆက်သွယ်ပြီး ဖွင့်ပေးနေတာပါ။ ဘယ်ကအမိန့်နဲ့ စာထဲမှာ ဘယ်လိုပါတယ်ဆိုတာ ကျနော်တို့ မသိသေးပါဘူး” ဟု သူကပြောသည်။

မန္တလေးမြို့ မဟာအောင်မြေရပ်ရှိ အန်အယ်ဒီ ရုံးကို တရားသူကြီးများ အပါအဝင် ခယက ဥက္ကဌ (မန္တလေးတိုင်း ရွေးကောက်ပွဲ ကော်မရှင်ဟောင်း ဥက္ကဌ)၊ မြို့နယ်နှင့် ရပ်ကျေးဥက္ကဌများက ယနေ့ လာရောက်ခွင့်ပြုခဲ့ကြောင်း မန္တလေးတိုင်းစည်းအဖွဲ့မှ သိရသည်။

လက်ရှိ နအဖ စစ်အစိုးရက အသစ်ထုတ်ပြန်လိုက်သော ပြည်ထောင်စု ရွေးကောက်ပွဲ ကော်မရှင် ဥပဒေ ပုဒ်မ ၁၄ အရ ယခင် နဝတ က ဖွဲ့ပေးခဲ့သည့် ပါတီစုံဒီမိုကရေစီ အထွေထွေရွေးကောက်ပွဲ ကျင်းပရေး ကော်မရှင် ဥပဒေအမှတ် ၁/၈၈ သည် ပျက်ပြယ်သွားပြီ ဖြစ်သော်လည်း ယင်းကာလ ကော်မရှင်လူကြီး များက ရုံးဖွင့်ခွင့်ပြုနေကြခြင်း ဖြစ်သည်။

မန္တလေးတိုင်း မြို့နယ်ပေါင်း ၃ဝ မှ မတ္ထရာ၊ ကျောက်ပန်းတောင်း၊ သာစည်၊ မြင်းခြံ၊ အမရပူရ၊ ပြင်ဦးလွင်၊ မြစ်သား၊ ပုသိမ်ကြီး၊ မိုးကုတ် စသည့်မြို့နယ်ရုံးများ ဖွင့်ခွင့်ရနေ ပြီဖြစ်သည်။

သို့သော် မန္တလေးတိုင်း ရမည်းသင်းမြို့တွင်မူ ရွေးကောက်ပွဲကော်မရှင် ဥပဒေအရေ အဖွဲ့ဝင် ၅ ဦး ပြည့်ရမည်ဟု ဆိုကာ ရုံးဖွင့်လှစ်ရန် ခွင့်ပြုချက် မရသေးကြောင်း ပါတီမြို့နယ်အတွင်းရေးမှူးက ပြောသည်။

ကချင်ပြည်နယ်၌ မြစ်ကြီးနား၊ မိုးညှင်း၊ မိုးကောင်း၊ ဖားကန့်၊ ဗန်းမော်၊ ရွှေကူ၊ ဝိုင်းမော် စသည့်မြို့နယ် များတွင် အန်အယ်ဒီရုံးများ ပြန်ဖွင့်ခွင့်ရထားကြောင်း မြစ်ကြီးနားမြို့ခံ အန်အယ်ဒီအဖွဲ့ဝင် ဦးနေဝင်း က ပြောသည်။

အန်အယ်ဒီရုံးများကို ပြန်လည်ဖွင့်ခွင့် ပြုနေသော်လည်း လတ်တလော ထုတ်ပြန်နေသည့် ရွေးကောက်ပွဲ ဥပဒေများအရမူ နိုင်ငံရေးပါတီအနေဖြင့် ဆက်လက်ရပ်တည်နိုင်ရေးမှာ မရေမရာ ဖြစ်နေကြောင်း လေ့လာသူများက သုံးသပ်နေကြသည်။

၁၉၉၀ ခု ရွေးကောက်ပွဲပြီးနောက် အန်အယ်ဒီရုံးများကို တစတစ ပိတ်လာရာ ၂၀၀၃ ခု ဒီပဲယင်း အရေးအခင်းပြီးနောက် ရန်ကုန်ဌာနချုပ်ရုံးမှလွဲ၍ ရုံးအားလုံးကို စစ်အစိုးရက ချိတ်ပိတ်ခဲ့သည်။

ကော်မရှင်လူကြီးများစာရင်း စစ်အစိုးရ ထုတ်ပြန်

shweone — Fri, 12 Mar 2010 02:16:22 +0000

မြန်မာ့ရုပ်မြင်သံကြားက အဖွဲ့ဝင် ၁၇ ဦးပါ ပြည်ထောင်စု ရွေးကောက်ပွဲ ကော်မရှင်ကို ယနေ့ညနေက ကြေညာလိုက်သည်။

ကော်မရှင်သည် ယခုနှစ်အတွင်း ကျင်းပမည့် အငြင်းပွားဖွယ်ရာ နိုင်ငံတဝှမ်း ရွေးကောက်ပွဲကို ကြီးကြပ်ကွပ်ကဲမည် ဖြစ်သည်။

နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီ အတွင်းရေမှူး ၁ ဒုတိယဗိုလ်ချုပ်ကြီး သီဟသူရ တင်အောင်မြင့်ဦးက လက်မှတ်ရေးထိုး ထုတ်ပြန်သော ကြေညာချက်တွင် တရားရုံးချုပ်မှ ဒုတိယ တရားသူကြီးချုပ် ဦးသိန်းစိုးက ဥက္ကဋ္ဌအဖြစ် ဆောင်ရွက်မှာဖြစ်ပြီး၊ အဖွဲ့ဝင်များတွင် အမျိုးသမီး နှစ်ဦးဖြစ်သော ဒေါက်တာမြင့်ကြည်နှင့် ဒေါ်ခင်လှမြင့်တို့ ပါဝင်သည်။

ကျန်သော အဖွဲ့ဝင်များမှာ ဦးအင်ဇော်နော်၊ ဦးခင်မောင်နု၊ ဦးစိုးဘလှိုင်၊ ဒေါက်တာဘမောင်၊ ဦးညွန့်တင်၊ ဦးမောင်သာလှ၊ ဦးစိုင်းခုမ်လှိုင်၊ ဦးအောင်မြင့်၊ ဦးမြင့်နိုင်၊ ဒေါက်တာတင်အောင်အေး၊ ဦးသာဦး၊ ဒေါက်တာမောင်ထူး၊ ဦးသာဋ္ဌေးနှင့် ဦးဝင်းကြည်တို့ ဖြစ်ကြသည်။

ဦးသိန်းစိုးမှာ တရားရုံးချုပ်သို့ ရွှေ့ပြောင်း၍ တာဝန်ထမ်းဆောင်မှု မပြုခင်က စစ်ဥပဒေချုပ်ရုံးတွင် ဗိုလ်ချုပ်အဆင့်ဖြင့် တာဝန်ထမ်းဆောင်ခဲ့သူ ဖြစ်သည်။ ဒေါက်တာ တင်အောင်အေးသည်လည်း တရားရုံးချုပ် တရားသူကြီးဖြစ်ပြီး၊ ဦးသိန်းစိုးနှင့် ဒေါက်တာတင်အောင်အေးတို့ နှစ်ဦးစလုံးမှာ လက်ရှိ တာဝန်ထမ်းဆောင်ဆဲဖြစ်ကြောင်း မကြာသေးခင်က ထုတ်ပြန်သော သတင်းများတွင် ပါရှိသည်။

လွန်ခဲ့သည့် သီတင်းပတ်အတွင်းက နေအိမ်အကျယ်ချုပ်ကာလ စည်းကမ်းချိုးဖောက်သည်ဆိုကာ သူမအပေါ် ချမှတ်ထားသော ပြစ်ဒဏ်နှင့်ပတ်သက်၍ ဒေါ်အောင်ဆန်းစုကြည်က အယူခံတင်သွင်းရာ တရားရုံးချုပ်က ပယ်ချထားခဲ့သည်။ အမေရိကန်တဦး ရေကူး၍ ဒေါ်အောင်ဆန်းစုကြည် နေအိမ်သို့ ခိုးဝင်ပြီး တွေ့ဆုံရန် ကြိုးစားရာက အမှုဖြစ်လာခဲ့သည်။ နောက်ထပ်တဆင့် အယူခံကို ဒေါ်အောင်ဆန်းစုကြည်၏ ရှေ့နေအဖွဲ့က တင်ရန်ရှိရာ ဦးသိန်းစိုး ခေါင်းဆောင်သော တရားသူကြီး ၃ ဦးပါသည့် အဖွဲ့နှင့် တွေ့ဆုံရမည် ဖြစ်သည်။

ယနေ့အထိ စစ်အစိုးရက ရွေးကောက်ပွဲနှင့် သက်ဆိုင်သော ဥပဒေ ၄ ခုကို ထုတ်ပြန်ပြီးဖြစ်ပြီး၊ အတိုက်အခံ နိုင်ငံရေးပါတီ ယှဉ်ပြိုင်နိုင်စွမ်းကို ထိခိုက်အောင် ဆိုးရွားစွာ တားမြစ်မှုများ ပါရှိသည်။

ရွေးကောက်ပွဲဥပဒေသည် ရှက်ဖွယ်ဟု ဒေါ်စု ပြောကြား

shweone — Fri, 12 Mar 2010 02:15:31 +0000

စစ်အစိုးရ ထုတ်ပြန်လိုက်သည့် ရွေးကောက်ပွဲ ဥပဒေများသည် ရှက်ဖွယ်ကောင်းလှကြောင်းနှင့် အမျုိုးသား ဒီမိုကရေစီ အဖွဲ့ချုပ်ကို စိန်ခေါ်လိုက်ခြင်းဖြစ်ကြောင်း ဒေါ်အောင်ဆန်းစုကြည်က ပထမဆုံး လူသိရှင်ကြား တုံ့ပြန်လိုက်သည်။

သူမ၏ ရှေ့နေမှတဆင့် ယနေ့ ပါးလိုက်သော စကားရပ်တွင် ဥပဒေများသည် သူမကို ချိန်ရွယ်ရေးသားထားခြင်းဟု ထင်မြင်ကြောင်းလည်း ပါရှိသည်။

နေအိမ်တွင် ချုပ်နှောင်ထားခံရသော အတိုက်အခံခေါင်းဆောင်နှင့် ရှေ့နေများဖြစ်သည့် ဦးကြည်ဝင်း၊ ဦးဥာဏ်ဝင်းတို့ ယနေ့ မွန်းလွဲပိုင်း ၂ နာရီမှ ၄ နာရီထိ တွေ့ဆုံခွင့် ရခဲ့သည်။

“ဒေါ်အောင်ဆန်းစုကြည်ပြောတာက ဒီဥပဒေတွေဟာ အဖွဲ့ချုပ် အန်အယ်ဒီအတွက် အများကြီး စိန်ခေါ်မှုတွေ ပါတယ်။ ဒီစိန်ခေါ်မှုတွေ ပါတာကိုပဲ သူကျေနပ်တယ်။ ဒီလိုစိန်ခေါ်မှုတွေပါမှ ဘယ်လိုတုံ့ပြန်မယ်ဆိုတာ ညီညီညွတ်ညွတ်နဲ့ ဝိုင်းလုပ်ကြရမှာပါပေါ့တဲ့” ဟု ဦးဥာဏ်ဝင်း မဇ္ဈိမကို ပြောသည်။

“ဒီဥပဒေကို ဖတ်လိုက်လို့ရှိရင် တစုံတယောက်ကို ရည်ညွှန်းပြီးတော့ ရေးဆွဲတယ်၊ တစုံတယောက်ရဲ့ အကျိုးကို ဆန့်ကျင်ပြီးတော့ ရေးဆွဲတယ်လို့ ထင်မြင်စရာ ဖတ်တဲ့လူတိုင်း တွေ့ပါတယ်။ အဲဒီလို တွေ့မြင်စရာ ဖြစ်နေတာကိုက အင်မတန်ရှက်ဖို့ ကောင်းတယ်၊ ဥပဒေဆိုတာ လူတိုင်းအတွက် လူတိုင်းအတွက်ရေးရမှာ ပုဂ္ဂိုလ် တဦးတယောက်အတွက် ရေးတယ်ဆိုကတည်းကိုက မဖြစ်သင့်တာ ရှက်စရာကောင်းတဲ့ အဖြစ်အပျက်ပဲလို့ သူ အဲဒီလို ပြောပါတယ်” ဟု သူက ထပ်ပြောသည်။

ယခုလ ၈ ရက်နေ့မှ စတင်၍ ယနေ့အထိ နိုင်ငံပိုင် သတင်းစာများတွင် ရွေးကောက်ပွဲဆိုင်ရာ ဥပဒေ ၄ ခု ထွက်ရှိပြီး ဖြစ်သည်။

ပါတီမှတ်ပုံတင်ခြင်း ဥပဒေနှင့် ပြည်သူ့လွှတ်တော် ရွေးကောက်ပွဲဥပဒေများအရ ထောင်ဒဏ်ကျခံနေရသော ဒေါ်အောင်ဆန်းစုကြည်အနေဖြင့် နိုင်ငံရေးပါတီဝင် မဖြစ်နိုင်သလို လွှတ်တော်အမတ်အဖြစ်လည်း ဝင်ရောက်အရွေးခံပိုင်ခွင့် မရှိရန် ပိတ်ပင်လိုက်သည်။

ယနေ့ တွေ့ဆုံရာ၌ ကမ္ဘာပေါ်တွင် တဦးတည်းသော ချုပ်နှောင်ခံထားရသည့် ငြိမ်းချမ်းရေး နိုဘယ်ဆုရှင်က သူမအပေါ် ချမှတ်ထားသော ပြစ်ဒဏ်ကို အယူခံဝင်ရန်ကိစ္စနှင့် မြေအိမ်ခြံဝင်းကို မွေးစားအကိုဝမ်းကွဲတော်သူက တိတ်တခိုး ရောင်းချလိုက်သည့် ကိစ္စအတွက်ပါ ဆွေးနွေးခဲ့ကြသည်ဟု ရှေ့နေ ဦးကြည်ဝင်းက ပြောသည်။

”ဦးခင်မောင်အေးက မြေရောင်းလိုက်တဲ့ကိစ္စ၊ ဒေါ်စုက တရားမစွဲချင်ပါဘူး။ ဒါပေမဲ့ ဒေါ်စုနဲ့ မောင်နှမ နှစ်ယောက်စလုံး အကျိုးကို ထိခိုက်တာဆိုတော့ ဥပဒေ အပြန်အလှန် ဆွေးနွေးကြတယ်” ဟု ရှေ့နေ ဦးကြည်ဝင်းက ပြောသည်။

ဦးခင်မောင်အေးမှာ ကွယ်လွန်လေပြီးသော သခင်သန်းထွန်း၊ ဒေါ်ခင်ကြီးတို့၏ မွေးစားသားဖြစ်ပြီး တပ်မတော် အရာရှိဟောင်းနှင့် စာရေးဆရာ ဖြစ်သည်။ ဒေါ်အောင်ဆန်းစုကြည်၏ မိခင် ဒေါ်ခင်ကြည်နှင့် ဒေါ်ခင်ကြီးတို့မှာ ညီမအရင်း ဖြစ်ကြသည်။

လွန်ခဲ့သည့် အနှစ် ၂ဝ အတွင်း ၁၄ နှစ်ကျော် အချုပ်အနှောင်ခံနေရခဲ့သော ဒေါ်အောင်ဆန်းစုကြည်၏ အကိုရင်း ဖြစ်သူကလည်း ခြံကို အမွေဆိုင်အဖြစ် လျှောက်ထားပြီး သူမ နေအိမ်ပြင်ဆင်သောအခါ တားမြစ်မှု လုပ်ထားသည်။

စစ်အစိုးရထံမှ အကူညီမယူဟု ဦးအေးလွင်ငြင်း

shweone — Fri, 12 Mar 2010 02:14:23 +0000

စစ်အစိုးရထံမှ ငွေကြေးတစုံတရာမယူကြောင်း ငြင်းလိုက်ပြီး သူ၏ ပါတီအနေဖြင့် ရွေးကောက်ပွဲဝင်ရန် ဆုံးဖြတ်ပြီးဖြစ်ကြောင်း ပြည်ထောင်စု မြန်မာနိုင်ငံ အမျိုးသားနိုင်ငံရေးအဖွဲ့ချုပ်ဥက္ကဋ္ဌ ဦးအေးလွင်က ပြောဆိုလိုက်သည်။

ပြည်ထောင်စု မြန်မာနိုင်ငံ အမျိုးသား နိုင်ငံရေး အဖွဲ့ချုပ် ခေါ် (ပမမခ) ပါတီ၏ မြန်မာနိုင်ငံအပေါ် နိုင်ငံခြား တိုင်းပြည်များက စီးပွားရေးပိတ်ဆို့မှု ဆန့်ကျင်ရေး လှုပ်ရှားမှု ပြုလုပ်ရာတွင် အနောက်တောင်တိုင်း စစ်ဌာနချုပ် တိုင်းမှူး ဗိုလ်ချုပ်ကျော်ဆွေက အကူညီပေးပါရန် ဦးအေးလွင်ကိုယ်တိုင် လက်မှတ် ရေးထိုး တောင်းခံသော စက်တင်ဘာလ ၁ ရက်၊ ၂ဝဝ၉ ခုနှစ် နေ့စွဲတပ် စာမိတ္တူတစောင်ကို မဇ္ဈိမက လက်ခံ ရရှိခဲ့သည်။

စာမှာ အစစ်အမှန်ဖြစ်ကြောင်းကိုလည်း စာပါအကြောင်းအရာ အတော်များများကိုပင် ပြန်လည်ပြောပြနိုင်သော ဦးအေးလွင်က မဇ္ဈိမနှင့် ယနေ့ပြုလုပ်သော အင်တာဗျူးတွင်လည်း ဝန်ခံသွားသည်။

“ပြည်ထောင်စုမြန်မာနိုင်ငံ အမျိုးသား နိုင်ငံရေးအဖွဲ့ချုပ်အနေဖြင့် ၂ဝဝ၉ ခုနှစ် တနှစ်လုံးတွင် သဘောထား ကြေညာချက်၊ စာရွက်စာတမ်းများ ဖြန့်လှုပ်ရှားမှု၊ စည်းရုံးရေးမှုးများနှင့် အဖွဲ့ဝင်များ စုစောင်းသည့် လှုပ်ရှားမှု၊ စည်းရုံးရေးအဖွဲ့ခွဲများ တိုးချဲ့ဖွဲ့စည်းသော လှုပ်ရှားမှုနှင့် ရုံးခန်းဖွင့်လှစ်ခြင်း၊ အဖွဲ့ဆိုင်းဘုတ်ထောင်ခြင်း၊ အမျိုးသား လှုပ်ရှားမှု လှုံ့ဆော်ရေး ဆိုင်းဘုတ် ပိုစတာစိုက်ထူခြင်း၊ ပြည်သူ လူထုနှင့် တွေ့ဆုံရှင်းလင်းပွဲများ ပြုလုပ်ခြင်းတို့ကို ဆောင်ရွက်သွားမည်။

အဆိုပါ လုပ်ငန်းစဉ်များ ချော့မွေ့စေရန် နိုင်ငံတော်၊ ကာကွယ်ရေးဝန်ကြီးဌာနနှင့် အနောက်တောင်တိုင်း စစ်ဌာနချုပ်တိုင်းမှူးများ၏ ပံ့ပိုးကူညီမှုများ ရရှိရန် လိုအပ်ပါသည်” ဟု အကူညီတောင်းခံသည့် စာတွင် ပါရှိသည်။

၁၉၈၈ ခုနှစ် လူထုအုံကြွမှုကြီးတွင် စက်မှုတက္ကသိုလ် ကျောင်းသားတဦးဖြစ်သော ကိုအေးလွင်လည်း ပါဝင်ခဲ့သည်။ သို့သော် နောက်ပိုင်းတွင် ဒေါ်အောင်ဆန်းစုကြည်နှင့် အတိုက်အခံ ဒီမိုကရေစီ အင်အားစုများကို ဝေဖန်သူ ဖြစ်လာသည်။

စစ်အစိုးရ၏ လူ့အခွင့်အရေး ချိုးဖောက်မှုများကြောင့် အနောက်နိုင်ငံများက မြန်မာနိုင်ငံအပေါ် စီးပွားရေး ပိတ်ဆို့ထားခြင်းကို ပြန်လည်ရုတ်သိမ်းရေးအတွက် လှုံ့ဆော်မှုများကို လုပ်ဆောင်ခဲ့သည်။

စစ်အစိုးရအကြီးအကဲ ဗိုလ်ချုပ်မှူးကြီးသန်းရွှေ၏ လူယုံတဦးဖြစ်သော စက်မှု ၁ ဝန်ကြီး ဦးအောင်သောင်း က ဦးအေးလွင်နှင့် အဖွဲ့ကို ငွေကြေးထောက်ပံ့သည်ဟု အတော်များများက ယုံကြည်ကြသည်။

“လက်ရှိအခြေအနေတွင် နိုင်ငံတော်၏ ရှေ့ဆက်သွားမည့် လမ်းစဉ် ၇ ရပ် အောင်မြင်ရေးအတွက် အမှတ် ၁ စက်မှုဝန်ကြီးဌာန ဝန်ကြီး၏ ပံ့ပိုးမှုဖြင့် နိုင်ငံရေး ပူးပေါင်းဆောင်ရွက်လျှက်ရှိရာ” ဟု လည်း ပမမခက ဗိုလ်ချုပ်ကျော်ဆွေထံ တောင်းခံစာတွင် ပါရှိသည်။

ယနေ့ထုတ်ပြန်သော “ပြည်သူ့လွှတ်တော် ရွေးကောက်ပွဲ ဥပဒေ” အပိုဒ်ခွဲ (ဌ) ကလည်း နိုင်ငံတော်ပိုင် ငွေကြေး၊ မြေ၊ အိမ်၊ အဆောက်အအုံ၊ ယာဉ်၊ ပစ္စည်းတို့ကို ရယူသုံးစွဲသူ သို့မဟုတ် ယင်းသို့ရယူ သုံးစွဲသည့် အဖွဲ့အစည်းဝင်များ ဝင်ရောက် ရွေးချယ်ပိုင်ခွင့်မရှိဟု ဆိုသည်။

သို့သော် ဦးအေးလွင်က “အဲဒီတုန်းက ကျနော်တို့ကို ငွေအားဖြင့် ကူညီတာတို့၊ ဒီဥပဒေ အချက်တွေနဲ့ ငြိစွန်းနိုင်တဲ့ အရာတွေထဲက ကူညီတာတွေ မပါဘူး” ဟု မဇ္ဈိမကို ပြောသည်။

စစ်အစိုးရက ရွေးကောက်ပွဲ မည်သည့်အချိန် ပြုလုပ်မည်ကို ကြေညာခြင်းမရှိသေးသော်လည်း ပြည်တွင်း ပြည်ပတွင် ကျယ်ကျယ်ပြန်ပြန့်ပြောနေသည်မှာ ရွေးကော်ပွဲ ယခုနှစ် အောက်တိုဘာလ အတွင်း ပြုလုပ်မည်ဟူ၍ ဖြစ်သည်။

ဒေါ်စုကို ပထုတ်သည့်အပေါ် အမေရိကန် ဝေဖန်

shweone — Thu, 11 Mar 2010 02:00:54 +0000

စစ်အစိုးရက ဒေါ်အောင်ဆန်းစုကြည်ကို ရွေးကောက်ပွဲ မဝင်နိုင်ရန် ရွေးကောက်ပွဲဥပဒေ ထုတ်၍ တားဆီးလိုက်ခြင်းသည် လက်ခံနိုင်စရာ မရှိကြောင်း အရှေ့အာရှနဲ့ ပစိဖိတ်ဒေသရေးရာ အမေရိကန် လက်ထောက် နိုင်ငံခြားရေးဝန်ကြီး ကာ့တ် ကမ်းဘဲလ် Mr. Kurt Campbell က ပြောသည်။

“ကျနော်တို့ကတော့ သူပြန်လွတ်မြောက်ပြီး မြန်မာ့နိုင်ငံရေးမှာ အပြည့်အဝ ပါဝင်ခွင့်ပြုရမယ်ဆိုတဲ့ မူပေါ်မှာပဲ ဆက်ပြီး ရပ်သွားမှာပါ” ဟု အရှေ့တောင်အာရှ ခရီးစဉ် တစိတ်တပိုင်းဖြစ်သော မလေးရှားနိုင်ငံသို့ ရောက်ရှိနေစဉ် ယနေ့ သတင်းစာရှင်းပွဲ တခု၌ ပြောဆိုလိုက်ခြင်း ဖြစ်သည်။

သတင်းစာများမှ ယနေ့ထုတ်ပြန်သည့် “နိုင်ငံရေးပါတီများ မှတ်ပုံတင်ခြင်းဥပဒေ” အခန်း ၁၊ ပုဒ်မ ၂ (ဌ) နှင့် အခန်း ၂၊ ပုဒ်မ ၄ အရ “ထောင်ဒဏ် ကျခံနေရသူ” ဖြစ်လျှင် နိုင်ငံရေးပါတီ တခု၌ပင် ပါဝင်ခွင့်မရှိဟု ဖော်ပြထားသဖြင့် ဒေါ်အောင်ဆန်းစုကြည်သည် ယခုနှစ် ရွေးကောက်ပွဲသို့ ဝင်ရောက်ယှဉ်ပြိုင်ခွင့် မရနိုင်တော့ခြင်း ဖြစ်သည်။

မစ္စတာကမ်းဘဲလ်နှင့် သူ၏ လက်ထောက် အာဆီယံရေးရာ သံတမန် စကော့ မာစီယယ် (Scot Marciel) တို့သည် ယခင်နှစ် နိုဝင်ဘာလအတွင်းက မြန်မာနိုင်ငံသို့ ၂ ရက်ကြာ ရောက်ရှိခဲ့ပြီး၊ ဒေါ်အောင်ဆန်းစုကြည် အပါအဝင် အတိုက်အခံများသာမက စစ်အစိုးရဝန်ကြီးချုပ် အပါအဝင် အရာရှိများအား တွေ့ဆုံ၍ နိုင်ငံရေးကိစ္စများ ဆွေးနွေးခဲ့သည်။

ယင်းမှအပြန် ဘန်ကောက်မြို့ သတင်းစာရှင်းပွဲ၌ ”ငြိမ်းချမ်းတည်ငြိမ်ပြီး ညီညွတ်သော နိုင်ငံကို တည်ဆောက်လိုလျှင် စစ်အစိုးရနှင့် နိုင်ငံရေးပါတီများ၊ လူနည်းစု တိုင်းရင်းသား အဖွဲ့အစည်းများနှင့် တွေ့ဆုံဆွေးနွေးရေးသည်သာ တခုတည်းသော လမ်းဖြစ်သည်” ဟု စကော့ မာစီယယ်က ပြောခဲ့ သည်။

စစ်အစိုးရကမူ တွေ့ဆုံဆွေးနွေးရန် စိတ်ပါဝင်စားခြင်း မရှိဘဲ ရွေးကောက်ပွဲဆိုင်ရာ ဥပဒေများကို ထုတ်ပြန်လိုက်ခြင်း ဖြစ်သည်။ “နိုင်ငံရေးပါတီများ မှတ်ပုံတင်ခြင်းဥပဒေ” ကိုလည်း ၂၀၀၈ ခု ဖွဲ့စည်းပုံ အခြေခံဥပဒေ ပုဒ်မ ၄၄၃ နှင့် အညီ ပြဋ္ဌာန်းခြင်း ဖြစ်သည်ဟုပင် ဆိုသည်။

NLD ပါတီနှင့် အတိုက်အခံ တိုင်းရင်းသား နိုင်ငံရေးပါတီများကမူ ယင်းဖွဲ့စည်းပုံသည် ပြည်သူအများစု၏ ဆန္ဒနှင့် မညီဟုဆို၍ ပြန်လည်သုံးသပ်ရန် တောင်းဆိုနေကြသည်။

အခြေခံဥပဒေပါ ပုဒ်မ ၄၄၅ အရ စစ်အစိုးရအဆက်ဆက် ကျူးလွန်ခဲ့သည့် ပြစ်မှုများကို နောက်တက်မည့် အစိုးရက တရားစွဲနိုင်ခြင်း မရှိစေရန် တားမြစ်ထားခြင်း၊ မြန်မာပြည် နိုင်ငံရေးတွင် စစ်တပ်က ဦးဆောင်ရမည် ဆိုသည့် အခြေခံမူ၊ ပုဒ်မ ၅၉ အရ နိုင်ငံတော်သမ္မတသည် စစ်တပ်မှ အငြိမ်းစားသာ ဖြစ်ရမည်ဟု ဆိုထားခြင်း၊ ပုဒ်မ ၄၁၃ အရ သမ္မတအား လိုအပ်လျှင် စစ်တပ်က အာဏာသိမ်းခွင့် ပြုထားခြင်းတို့ကို ဥပမာအဖြစ် ထောက်ပြကြသည်။

“နိုင်ငံရေးပါတီများ မှတ်ပုံတင်ခြင်းဥပဒေ” အခန်း ၂၊ ပုဒ်မ ၆ (ခွဲ) ဂ အရ ဖွဲ့စည်းပုံအခြေခံဥပဒေကို ထိန်းသိမ်းစောင့်ရှောက်ပါမည်ဟု ဝန်ခံချက်ရေးထိုးမှသာ နိုင်ငံရေးပါတီအဖြစ် မှတ်ပုံတင်ခွင့်ရမည် ဖြစ်သောကြောင့် မြန်မာ့နိုင်ငံရေးသည် အကျဉ်းအကျပ်ထဲ ရောက်သွားစေသည်ဟု လေ့လာနေသူများက သုံးသပ်ကြသည်။

ရွေးကောက်ပွဲဥပဒေ မထုတ်မီ ရက်ပိုင်းအလို၌ပင် ကုလအတွင်းရေးမှူးချုပ် မစ္စတာ ဘန်ကီမွန်းက ဒေါ်အောင်ဆန်းစုကြည် အပါအဝင် နိုင်ငံရေး အကျဉ်းသားများကို ပြန်လွှတ်ပေးပြီး ရွေးကောက်ပွဲတွင် ပါဝင်ခွင့် ပြုမှသာ ၂၀၁၀ ရွေးကောက်ပွဲကို အများလက်ခံနိုင်မည် ဖြစ်ကြောင်း ဗိုလ်ချုပ်မှူးကြီး သန်းရွှေထံသို့ စာပေးပို့ခဲ့သေးသည်။

မြန်မာနိုင်ငံ၏ လူ့အခွင့်အရေး အခြေအနေများကို လေ့လာရန် ယခင်လက ရောက်ရှိခဲ့သည့် ကုလသမဂ္ဂ မြန်မာနိုင်ငံဆိုင်ရာ လူ့အခွင့်အရေး အထူးသံ မစ္စတာကွင်တားနားကလည်း နိုင်ငံတကာ အဆင့်မမီသော ၁၉၇၄ ခု ဥပဒေဖြင့် ဒေါ်အောင်ဆန်းစုကြည်ကို ဖမ်းထားသည်မှာ တရားမျှတမှု မရှိကြောင်း ထုတ်ဖော်ပြောဆိုခဲ့သည်။

သို့သော် စစ်အစိုးရကမူ “နိုင်ငံရေးပါတီများ မှတ်ပုံတင်ခြင်း ဥပဒေ” အတွင်း၌ ၁၉၉၀ ခု ရွေးကောက်ပွဲကို ကျင်းပပေးခဲ့သည့် နိုင်ငံတော် ငြိမ်ဝပ်ပိပြားမှု တည်ဆောက်ရေးအဖွဲ့ – နဝတ ၏ ဥပဒေအမှတ် ၄/၈၈ အရ တည်ရှိနေသော နိုင်ငံရေးပါတီများ အနေဖြင့် တရားဝင် ဆက်လက်ရှင်သန်နိုင်ရန် ရွေးကောက်ပွဲ ကော်မရှင်အသစ်သို့ ယခုလ ၈ ရက်နေ့မှစ၍ ရက်ပေါင်း ၆၀ အတွင်း လျှောက်ထားရမည်ဟု ထည့်သွင်းလိုက်ပြီး NLD နှင့် တိုင်းရင်းသားပါတီများကို ရက်ကန့်သတ်ပေးလိုက်ပြီး ဖြစ်သည်။

သို့သော် နအဖ၏ ဥပဒေများအတွင်း၌ ရွေးကောက်ပွဲ ကော်မရှင်ဟောင်းကို ဖျက်သိမ်းလိုက်ကြောင်းသာ ပါဝင်ပြီး ကော်မရှင်အသစ်ကို မည်သည့်အချိန် ဖွဲ့စည်းမည်ကိုမူ ထည့်သွင်းထားခြင်း မတွေ့ရသောကြောင့် ရက်ပေါင်း ၆၀ မပြည့်မီ ဆက်သွယ်လိုလျှင်ပင် မည်သို့ ပြုလုပ်ရမည်မှာ ရှင်းလင်းမှု မရှိကြောင်း တက်ကြွလှုပ်ရှားသူများက ဝေဖန်နေကြသည်။

ထားဝယ် ရေနက်ဆိပ်ကမ်းစီမံကိန်း စတင်၊ ရွာများစွာ ရွှေ့ပြောင်းခံရဖွယ်ရှိ

shweone — Wed, 10 Mar 2010 03:09:04 +0000

မြန်မာနိုင်ငံမှတဆင့် နယ်စပ်ဖြတ်ကျော် လမ်းကြောင်းများ အကောင်အထည်ဖော်ဆောင်ရေးတွင် တနင်္သာရီတိုင်း၊ ထားဝယ်မြို့အနီးရှိ ထားဝယ်ရေနက်ဆိပ်ကမ်း စီမံကိန်း ဆောက်လုပ်ရေးလုပ်ငန်းကို စတင်ဆောင်ရွက်နေပြီဖြစ်သည်။

ရေနက်ဆိပ်ကမ်း တည်နေရာကို ထားဝယ်မြို့ မောင်းမကန်ကမ်းခြေ အထက်ပိုင်း နဘူးလယ်ကျေးရွာနှင့် ပင်လယ်ဘက် ဟိန်းဇဲကျွန်းစုအကြားတွင်ဖြစ်ပြီး ဆောက်လုပ်မည့် အနီးဝန်းကျင်ရှိ ကျေးရွာပေါင်း (၁) ဒါဇင်ကျော်တို့ကို စတင်ပြောင်းရွှေ့ ခိုင်းနေကြောင်း ကိုယ်တိုင် သွားရောက်လေ့လာခဲ့သူတဦးက ပြောကြားသည်။

၎င်းက “ဆိပ်ကမ်းနေရာက မောင်းမကန်ကမ်းခြေကနေ (၁၀) မိုင်လောက်ပဲ ဝေးတယ်။ အရင်ဆုံးအနေနဲ့ ကမ်းရိုးတန်း တလျှောက်က တံငါသည်ရွာတွေနဲ့ နဘူးလယ်ကျေးရွာအုပ်စုတွေကို မောင်းမကန်ချောင်းဘက်ကို ပြောင်းခိုင်းနေတယ်။ လျော်ကြေးပေးမယ့်အကြောင်းလည်း မပြောတော့ ရွာသားတွေက မပြောင်းချင်ကြဘူး” ဟု ခေတ်ပြိုင်သို့ ပြောကြားသည်။

သို့သော် ဒေသခံရွာသားများကို အဆိုပါ ဆောက်လုပ်ရေးလုပ်ငန်းများတွင် အခကြေးငွေပေး၍ အသုံးပြုမည်ဟု သက်ဆိုင်ရာ အာဏာပိုင်တို့က ကတိပေးထားကြောင်း ရွာသားများထံမှ သိရသည်။

ယခု စတင်လိုက်သည့် စီမံကိန်းသည် ဆိပ်ကမ်းတည်ဆောက်ရေးအပါအဝင် ထိုင်းနိုင်ငံ ကန်ချနဘူရီ-ထားဝယ် နယ်စပ်ဖြတ်ကျော် လမ်းပိုင်းလည်း ပါဝင်ကြောင်း ထိုလုပ်ငန်းခွင်မှ လက်ထောက်အင်ဂျင်နီယာတဦးက အတည်ပြု ပြောကြားသည်။

“စက်မှုနဲ့ပညာပိုင်းကတော့ ထိုင်းက အားလုံးချပေးထားတယ်။ အခု စက်ယန္တရားကြီးတွေကို နယ်စပ်နဲ့ပင်လယ်ကနေ ထိုင်းက ပို့ပေးနေပြီး လုပ်ငန်းတချို့ စတင်နေပြီ” ဟု အဆိုပါ အင်ဂျင်နီယာက ပြောကြားသည်။

ထိုင်းဘတ်ငွေ (၂) ဘီလီယံကျော် ကုန်ကျမည့် ထိုစီမံကိန်းအတွက် ထိုင်းနိုင်ငံမှ ပညာရှင်များက ၂၀၀၅ ခုနှစ်ကတည်းက လာရောက်လေ့လာခဲ့ပြီး ရေနက်ဆိပ်ကမ်း စီမံကိန်းအပါအဝင် ကန်ချနဘူရီမြို့မှ ကီလိုမီတာ (၁၃၀) ကျော် ရှည်လျားသည့် ကားလမ်းပိုင်း ဖောက်လုပ်ပေးသွားရန် ၂၀၀၈ ခုနှစ် မေလတွင် ထိုင်းအစိုးရက မြန်မာစစ်အစိုးရနှင့် နားလည်မှုစာချွန်လွှာ ရေးထိုးခဲ့သည်။

ထားဝယ်ရေနက်ဆိပ်ကမ်း စီမံကိန်းပြီးစီးသွားပါက ထိုင်းနိုင်ငံသာမက နောက်ပိုင်းတွင် တရုတ်၊ လော၊ ဗီယက်နမ်နိုင်ငံအပါအ၀င် ဥရောပနှင့် အနောက်နိုင်ငံတို့မှ ကုန်စည်များကို မလက္ကာကျွန်းဆွယ်ဒေသနှင့် စင်ကာပူနိုင်ငံကို ဖြတ်သန်း၍ ကုန်စည်သယ်ယူခြင်းထက် မြန်မာနိုင်ငံ ရေနက်ဆိပ်ကမ်းမှတဆင့် လျင်မြန်ချောမွေ့စွာ ကုန်းတွင်းပိုင်း သယ်ယူပို့ဆောင်ရေးကို အကောင်အထည်ဖော်နိုင်မည်ဖြစ်ကြောင်း သိရသည်။

အဆိုပါစီမံကိန်း အောင်မြင်နိုင်ရန် ထားဝယ်ဒေသရှိ ပြည်သူတို့အပေါ် မြန်မာစစ်အစိုးရက ပိုမို၍ လူ့အခွင့်အရေးချိုးဖောက်မှုများ ပြုလုပ်လာမည်ကို လူ့အခွင့်အရေး စောင့်ကြည့်သူတို့က စိုးရိမ်နေကြသည်။

“ထားဝယ်ကနေ ထိုင်းနိုင်ငံ ကန်ချနဘူရီကို ဖြတ်တဲ့လမ်းကြောင်းက ကေအန်ယူ တပ်မဟာ (၄) တည်ရှိတဲ့ ဒေသဖြစ်တယ်။ အဲဒီဒေသမှာ နအဖက စစ်ဆင်ရေးတွေ ပိုမိုလုပ်ဆောင်နိုင်သလို ဒေသခံတွေကိုလည်း လိုအပ်သလို ပြောင်းရွှေ့ခိုင်းတာတို့၊ လူ့အခွင့်အရေး ချိုးဖောက်တာတို့တွေ ပိုမိုလုပ်ဆောင်လာမှာ စိုးရိမ်ရတယ်” ဟု ပြည်တွင်းမှ လူ့အခွင့်အရေး စောင့်ကြည့်နေသူ တဦးက ပြောကြားသည်။

ထားဝယ်-ကန်ချနဘူရီ ကုန်းတွင်းပိုင်း နယ်စပ်ဖြတ်ကျော်လမ်းကြောင်းသည် အာရှလမ်းမကြီးစီမံကိန်း၏ တစိတ်တပိုင်း၌ ပါဝင်သည်။

ရွေးကောက်ပွဲ ကော်မရှင်ဥပဒေ မဇ္ဈိမက လက်ခံရရှိ

shweone — Tue, 09 Mar 2010 02:09:07 +0000

စစ်အစိုးရက မနက်ဖြန်တွင် သတင်းစာမှတဆင့် ထုတ်ပြန်မည့် ပြည်ထောင်စု ရွေးကောက်ပွဲ ကော်မရှင် ဥပဒေ မိတ္တူကို မဇ္ဈိမက လက်ခံရရှိထားသည်။

ဥပဒေအရ ကော်မရှင်တွင် ဥက္ကဋ္ဌ အပါအဝင် အနည်းဆုံး အဖွဲ့ဝင် ၅ ဦးကို ခန့်အပ်တာဝန်ပေးနိုင်ကြောင်း ဖော်ပြထားပြီး ကော်မရှင်လူကြီးများသည် အသက် ၅၀ နှစ် ပြည့်ပြီးသူများ ဖြစ်ရမည်၊ ထင်ပေါ်ကျော်ကြားပြီး ဂုဏ်သတင်းရှိသော ပုဂ္ဂိုလ်အဖြစ် စစ်အစိုးရက ယူဆသူဖြစ်ရမည်၊ နိုင်ငံရေးပါတီဝင် မဟုတ်သူဖြစ်ကာ လစာ၊ စရိတ်ကြေးငွေရသော အခြား မည်သည့်ရာထူးကိုမျှ လက်ခံခြင်း မပြုသူဖြစ်ရမည်ဟူသော အချက်များလည်း ပါဝင်သည်။

ဥပဒေအရ လက်ရှိ မြန်မာနိုင်ငံ၏ ပြည်နယ်နှင့် တိုင်းဒေသကြီး ၁၄ ခု တို့နှင့် လက်အောက်အဆင့်ဆင့်တွင် ရွေးကောက်ပွဲ ကော်မရှင်အဖွဲ့ခွဲ အဆင့်ဆင့်များ ဖွဲ့စည်းမည်ဖြစ်ကာ၊ နေပြည်တော် ကော်မရှင်အဖွဲ့ခွဲကိုလည်း သီးခြားထားရှိမည်ဖြစ်သည်။

ကော်မရှင်၏ လုပ်ငန်းတာဝန်များကို ဖော်ပြထားရာတွင် လွှတ်တော်ရွေးကောက်ပွဲများ ကျင်းပခြင်း၊ လွှတ်တော်ရွေးကောက်ပွဲများ ကြီးကြပ်ခြင်းနှင့် ကြီးကြပ်စေခြင်း၊ မဲဆန္ဒနယ်များ သတ်မှတ်ခြင်းနှင့် ပြင်ဆင်ဆောင်ရွက်ခြင်း၊ လွှတ်တော်ကိုယ်စားလှယ်များအဖြစ် အသိအမှတ်ပြုလွှာ ထုတ်ပေးခြင်း၊ ရွေးကောက်ပွဲဆိုင်ရာ အငြင်းပွားမှုကို စစ်ဆေးနိုင်ရေးအတွက် ရွေးကောက်ပွဲခုံအဖွဲ့များ ဖွဲ့စည်းခြင်း၊ ကော်မရှင်အဖွဲ့ခွဲများအတွက် ရန်ပုံငွေ ခွဲဝေချထားပေးခြင်း၊ အသုံးစရိတ်များ ကြီးကြပ်ခြင်း၊ နိုင်ငံရေးပါတီများကို ဥပဒေနှင့်အညီ ဆောင်ရွက်စေရန် ကြီးကြပ်ခြင်းတို့ ပါဝင်သည်။

နေပြည်တော်ရှိ သတင်းရပ်ကွက်များက မဇ္ဈိမကို ပြောကြားရာတွင် အပစ်အခတ်ရပ် တိုင်းရင်းသား လက်နက်ကိုင် အဖွဲ့များကို နယ်ခြားစောင့်တပ်အဖြစ် ပြောင်းလဲခြင်းအစီအစဉ် မအောင်မြင်လျှင် ထိုဒေသများကို ရွေးကောက်ပွဲမပြုလုပ်ဘဲ ချန်လှပ်ထားရန် စစ်အစိုးရက နည်းလမ်းတခုအဖြစ် စဉ်းစားထားကြောင်း ပါရှိသည်။

ကချင်လွတ်မြောက်ရေးအဖွဲ့ (KIO)၊ အားအကောင်းဆုံး ငြိမ်းချမ်းရေးအဖွဲ့ဟု အများက သတ်မှတ်ထားသော ဝ’ တို့လည်း နယ်ခြားစောင့်တပ်အဖြစ် အသွင်ပြောင်းလဲရန် ငြင်းဆန်ထားသော အဖွဲ့များတွင် ပါဝင်သည်။

ပြည်တွင်းပြည်ပတွင် လူအများက ကျယ်ပြန့်စွာ ကဲ့ရဲ့ခံနေရသော ၂ဝဝ၈ အခြေခံဥပဒေကို အခြေခံ၍ စစ်အစိုးရသည် ရွေးကောက်ပွဲကို ကျင်းပရန် လုပ်ဆောင်လျက်ရှိသည်။

ရွေးကောက်ပွဲကို ဝေဖန်သူ အနောက်နိုင်ငံ အစိုးရများက ဒေါ်အောင်ဆန်းစုကြည်ကို အစိုးရရာထူး မယူနိုင်အောင် ပြုလုပ်ထားမှုကိုလည်း ထောက်ပြထားကြသည်။

ထို့ပြင် အခြေခံဥပဒေသည် စစ်တပ်ကို တိုင်းရေးပြည်ရာများတွင် ပါဝင်ချယ်လှယ်နိုင်ရန် အာမခံချက် ပေးထားသည်။

နိုင်ငံတကာ အသိုင်းအဝိုင်းက မြန်မာစစ်အစိုးရကို လွတ်လပ်ပြီး တရားမျှတသော ရွေးကောက်ပွဲများ ဖြစ်စေရေးနှင့် ဘက်စုံပါဝင်နိုင်ရေး တောင်းဆိုထားကာ လက်ရှိ နိုင်ငံရေးအကျဉ်းသား ၂၁၀၀ ကျော်ကိုလည်း လွှတ်ပေးရန် တောင်းဆိုထားသည်။

ယာဉ်မောင်းလိုင်စင်ကတ် ပုံစံသစ်ပြောင်း

shweone — Tue, 09 Mar 2010 02:07:21 +0000

ယာဉ်မောင်းလိုင်စင် အတုများစွာ ထွက်ရှိနေသည်ဟူသော အကြောင်းပြချက်ဖြင့် မူလလိုင်စင်အဟောင်းများကို ပြန်လည် သိမ်းဆည်းကာ ပုံစံပြောင်း လိုင်စင်ကတ်အသစ်များ မတ်လ (၁၀) ရက်တွင် စတင်လဲလှယ်ပေးရန် စီစဉ်လျက်ရှိကြောင်း နေပြည်တော် ကညနမှ အရာရှိတဦးက အတည်ပြုပြောကြားသည်။

ပုံစံပြောင်း လိုင်စင်အသစ်ကို နေပြည်တော် (ကညန)၊ ရန်ကုန်တိုင်း၊ မန္တလေးတိုင်းတို့တွင် စတင် စမ်းသပ်လဲလှယ်ပေးမည် ဖြစ်သည်။

“အဲဒီရက်ပိုင်းမှာ (အနီ၊ အညို၊ အနက်) ယာဉ်မောင်းလိုင်စင် သက်တမ်းတိုးတွေကို ဦးစားပေး (၁) အဖြစ် ဆောင်ရွက်ပေးပါ့မယ်။ နေ့ချင်းပြီး ဆောင်ရွက်မှာပါ” ဟု အဆိုပါကညနမှ အရာရှိက ပြောသည်။

ရန်ကုန်တိုင်း၊ ကုန်းလမ်းပို့ဆောင်ရေးညွှန်ကြားမှု ဦးစီးဌာန (ကညန) တာဝန်ရှိသူတဦးကလည်း “မူလက ဘတ်ဂျက်ကာလအပြီး ဧပြီ (၁) ရက်နေ့ စမယ်ကြားတာ။ ခုတော့ မတ်လ (၁၀) ရက်နေ့ စတင်လဲလှယ်ပေးမယ် ဖြစ်သွားတယ်။ လိုအပ်တဲ့ Data တွေ၊ ကွန်ပျူတာ Code တွေ၊ လုံခြုံရေးစနစ်တွေ ရိုက်ထည့်ဖို့ ကွန်ပျူတာအခြေခံရှိတဲ့ ၀န်ထမ်းတချို့ကို သင်တန်းပေးနေပါတယ်” ဟု ဆိုသည်။

ကတ်ပြားကို နိုင်ငံတကာ အဆင့်မီပြုလုပ်ထားပြီး အတုပြုလုပ်၍ မရအောင် လုံခြုံရေးစနစ် တိကျစွာ ထည့်သွင်းထားသည်ဟု အဆိုပါ တာဝန်ရှိသူက ပြောသည်။

၎င်းက “တပြည်လုံး ပုံစံတမျိုးတည်း ဖြစ်ချင်ဖြစ်မယ်။ ဒါမှမဟုတ် တိုင်းခွဲပြီး ပုံစံကွဲ၊ အရောင်ကွဲလည်း ဖြစ်နိုင်တယ်။ ခုထိ ကျနော်တို့ ရေရေရာရာ မသိရသေးဘူး။ အထူးလျှို့ဝှက်ထားတယ်” ဟု ပြောသည်။

နေပြည်တော် (ကညန) ညွှန်ကြားရေးမှူးချုပ် ဦးဇော်ဝင်းမြင့်မှာ မကြာမီလများအတွင်း အငြိမ်းစားယူတော့မည်ဖြစ်သည့်အတွက်
အထက်ပါအစီအစဉ်ကို အရေးပေါ် သတ်မှတ်လိုက်ခြင်း ဖြစ်ပုံရကြောင်း ရန်ကုန်တိုင်း ကညန ၀န်ထမ်းအချို့က ထင်ကြေး ပေးကြသည်။

ယခင် လိုင်စင်များတွင်လည်း လုံခြုံရေးစနစ်ရှိသည့်ကြားမှ လိုင်စင်တုများ ထွက်နေကြောင်း၊ ကွန်ပျူတာ အစစ်ခံနိုင်သည် ဟုဆိုကာ ယာဉ်မောင်းလိုင်စင် အညို၊ အနီ တခုကို ကျပ် (၃) သောင်းဖြင့် ကညန ၀န်ထမ်းများက လုပ်ပေးနေကြောင်း၊ ယာဉ်မောင်းလိုင်စင် (၂) ခု၊ (၃) ခု ကိုင်ထားသူများရှိကြောင်း ရန်ကုန်မြို့ခံ ယာဉ်မောင်းလိုင်စင်ရှိသူ တဦးက ပြောသည်။

မြန်မာစက်မှုပြပွဲတွင် တရုတ်ဆိုလာပြားကို စိတ်ဝင်စားသူများ

shweone — Tue, 09 Mar 2010 02:06:39 +0000

ယခုလ (၅) ရက်မှ (၇) ရက်အထိ ရန်ကုန်၊ ဦးဝိစာရလမ်း တပ်မတော်ခန်းမတွင် ပြုလုပ်သည့် မြန်မာ့စက်မှုပြပွဲ ၂ဝ၁ဝ ၌ နိုင်ငံခြားဖြစ် ကုန်ပစ္စည်းများကိုသာ အဓိက ပြသခဲ့ကြပြီး လာရောက်ကြည့်ရှုသူများကလည်း နိုင်ငံခြားဖြစ်များကိုသာ ပိုမို စိတ်ဝင်စားကြကြောင်း စုံစမ်းသိရသည်။

ပြပွဲသွားရောက်ခဲ့သူတဦးက “လူတွေ အထူးစိတ်ဝင်စားတာက ပြခန်း (၃) ခုမှာ ရောင်းတဲ့ ဆိုလာပြားနဲ့ ဘတ္တရီ၊ အင်ဗက်တာတွေကို စိတ်ဝင်စားကြတယ်။ လူတွေက မီးပျက်တာများတော့ အမျိုးမျိုးစဉ်းစားလာကြပြီး ဆိုလာပြားကိုလည်း စိတ်ဝင်စားလာကြတာ ဖြစ်တယ်။ ပြခန်း (၃) ခန်းစလုံးမှာ ရောင်းတဲ့ ဆိုလာပြားတွေ အားလုံး တရုတ်ပြည်ကနေ သွင်းလာတာချည်းပဲ။ ပြန်လည်ပြည့်ဖြိုးမြဲ စွမ်းအင်ပြခန်းမှာဆိုရင် ကျပ် (၃,ဝဝဝ) တန်၊ ကျပ် (၁၀,၀၀၀) တန် အပေါစား ဆိုလာပြားတွေ ရောင်းတယ်။ ရောင်းသူက မြန်မာစကား မတတ်တဲ့ တရုတ်မတယောက်။ ဒါဘယ်လောက်လဲလို့ မေးလိုက်ရင် စန်းချင်း (တရုတ်လို ကျပ် ၃,ဝဝဝ) လို့ ဖြေတယ်။ မြန်မာ့စက်မှုပြပွဲဆိုပေမယ့် လက်ညှိုးထိုးပြစရာ စက်မှုထုတ်ကုန် ဘာမှ မယ်မယ်ရရ မရှိဘူး” ဟု ပြောသည်။

အဆိုပါပြပွဲ အဝင်ဝတွင် ကိုရီးယားလုပ် ဆမ်ဆောင်း အမှတ်တံဆိပ် အယ်လ်စီဒီ တီဗွီနှင့် ပလပ်စမာ တီဗွီများကို ချိတ်ဆွဲပြသ ရောင်းချသည်။

ရာကျော် စက်ပစ္စည်း အရောင်းပြခန်းတွင် တရုတ်ပြည်၌ နံပါတ် (၁) အဆင့် ရှိသည်ဆိုသော RAM အမှတ်တံဆိပ် တရုတ် ဆိုင်ကယ်များကို ပြသထားပြီး လိုင်စင်အပါ တစီး ကျပ် (၆) သိန်းခွဲဖြင့် ရောင်းချသည်။

ကေအမ်ဒီ ပြခန်းတွင်မူ နိုင်ငံခြားဖြစ် Acer, Lenovo, HP, Compaq အမှတ်တံဆိပ် လက်ဖ်တော့၊ ဒက်စ်တော့ ကွန်ပျူတာများနှင့် အပိုပစ္စည်းများကို ပြသရောင်းချသည်။

ပြခန်းတခုတွင်မူ တရုတ်ပြည်လုပ် တူ၊ ပလာယာ၊ ဝက်အူလှည့်၊ ဂွရှင် စသည့် ဆောက်လုပ်ရေးလုပ်ငန်းသုံး အသေးစား ပစ္စည်းမျိုးစုံ ပြသရောင်းချနေပြီး လူများ ကြိတ်ကြိတ်တိုး ဝယ်ယူအားပေးကြသည်။

ပြပွဲ ဒုတိယနေ့တွင် စက်မှု (၁) ဝန်ကြီး ဦးအောင်သောင်း ကိုယ်တိုင် လာရောက်ကြည့်ရှုကြောင်း ပြပွဲတွင် ပါဝင်ပြသသည့် စက်မှုလုပ်ငန်းရှင်တဦးက ပြောသည်။

၎င်းက “ကျနော်တို့ကို ဝန်ကြီးက လုပ်ပါ လုပ်ပါ ဆိုလို့သာ လုပ်ရတာ၊ တကယ်တော့ မြန်မာ့စက်မှုထုတ်ကုန် စစ်စစ်ဆိုပြီး ပြစရာက သိပ်ရှိတာ မဟုတ်ဘူး။ ဝန်ကြီးလာတော့ ဓာတ်ပုံတွေကလည်း ရိုက်၊ ဗွီဒီယိုတွေလည်း ရိုက်တော့ နိုင်ငံခြားဖြစ် ကုန်ပစ္စည်း ရောင်းတဲ့ဆိုင်တွေ၊ တရုတ်လုပ်ပစ္စည်း ရောင်းတဲ့ပြခန်းတွေကို မဝင်ဘူး။ ဒီတော့ စားသောက်ကုန် ထုတ်တဲ့ ပြခန်းတွေ၊ ဆေးဝါး၊ ဖျော်ရည်၊ ဆပ်ပြာမှုန့်၊ အရက် စတဲ့ အရည်အသွေးနိမ့်တဲ့ ကုန်ပစ္စည်းတွေ ထုတ်တဲ့ စက်မှု (၁) ပြခန်းကိုပဲ ဝင်တယ်။ ကြည့်စရာ သိပ်မရှိတော့ ကြာကြာလည်း မကြည့်ပါဘူး ပြန်သွားတာပါပဲ” ဟု ပြောသည်။

စစ်အစိုးရ၏ တရားဝင် ထုတ်ပြန်ထားသည့် စာရင်းဇယားများတွင် ပြည်ပပို့ကုန်အနက် သဘာဝဓာတ်ငွေ့၊ ကျွန်းနှင့် သစ်မာ၊ ဆန်ပါအဝင် လယ်ယာထွက်ကုန်၊ ရေထွက်ကုန် အမျိုးမျိုးတို့သာ အဓိကဖြစ်ပြီး စက်မှုထွက်ကုန်မှာ မရှိသလောက် နည်းပါးသည်။

ယခုပြပွဲတွင်လည်း မြန်မာ့စက်မှုထုတ်ကုန် ပြစရာ မယ်မယ်ရရ မရှိခြင်းကြောင့် တရုတ်ထုတ်ကုန် ဈေးရောင်းပွဲဟု ပြောလျှင် ပိုမှန်မည်ဖြစ်ကြောင်း ပြပွဲလာသူများက ကောက်ချက်ချနေကြသည်။

စစ်အစိုးရ ရွေးကောက်ပွဲဥပဒေ ထုတ်ပြန်

shweone — Tue, 09 Mar 2010 01:54:48 +0000

၂၀၁၀ ရွေးကောက်ပွဲဥပဒေကို စစ်အစိုးရက နိုင်ငံပိုင် ရုပ်မြင်သံကြား (MRTV) မှ ယနေ့ ညနေ (၄) နာရီတွင် ကြေညာ လိုက်ပြီဖြစ်သည်။

ယင်းကြေညာချက်တွင် ရွေးကောက်ပွဲဥပဒေ၊ ပြည်သူ့လွှတ်တော် ဥပဒေ၊ နိုင်ငံရေးပါတီ ဖွဲ့ခွင့်ဥပဒေ၊ အမျိုးသား လွှတ်တော်ဥပဒေနှင့် တိုင်းဒေသကြီး လွှတ်တော်ဥပဒေတို့ကို ထုတ်ပြန်လိုက်ကြောင်းပါဝင်ပြီး အသေးစိတ်ကို မနက်ဖြန် သတင်းစာများတွင် ဖော်ပြသွားမည်ဟု တပါတည်း ပြောဆိုသွားကြောင်း ရန်ကုန်မြို့ခံများက ပြောသည်။

သို့သော်လည်း ရွေးကောက်ပွဲကျင်းပမည့် ရက်ကိုမူ မကြေညာသေးပေ။ ရန်ကုန်ပြည်သူတို့က ရွေးကောက်ပွဲဥပဒေထွက်သည်ကို အလွန်စိတ်ဝင်စားနေကြကြောင်း သိရသည်။

မောင်းသူမဲ့ ကားရထားကြောင့် ၃ ဦး သေဆုံး

shweone — Tue, 09 Mar 2010 01:53:59 +0000

နေပြည်တော်- နတ်မောက် ပြေးဆွဲနေသည့် ကားရထားတစီးသည် ယမန်နေ့ နံနက်က ရထားမောင်းသူ မပါဘဲ ဘူတာ အများအပြားကို အရှိန်ပြင်းစွာ ဖြတ်ကျော် မောင်းနှင်ကာ ရထားတစီးကို ၀င်ရောက် တိုက်မိသဖြင့် ရထားဝန်ထမ်း တဦး အပါအ၀င် ခရီးသည် ၃ ဦး ပွဲချင်းပြီး သေဆုံးသွားကြောင်း သိရသည်။

ခရီးသည် ၉ ဦးခန့်ကို တင်ဆောင်ထားသည့် ကားရထားသည် ပျော်ဘွယ်ဘူတာတွင် စက်ပြင်ဆင်နေစဉ် မောင်းသူ မပါဘဲ ရုတ်တရက် နောက်ဘက်သို့ အရှိန်ပြင်းစွာ မောင်းထွက်သွားသည်ဟု သိရကြောင်း၊ နံနက် ၅ နာရီခန့်တွင် ဟံဇားဘူတာ မရောက်မီ သာစည်-မန္တလေး လော်ကယ်ရထားကို နောက်မှဝင်တိုက် ခြင်းဖြစ်ကြောင်း သာစည်မြို့ခံ ဦးအုန်းရွှေက ဧရာဝတီသို့ ပြောသည်။

“ဘက်ဂီယာ ၀င်ပြီး နောက်ပြန်ကြီး ထွက်သွားတာ၊ ခရီးသည်တွေလည်း ကယ်ပါ၊ ယူပါပဲ အော်နိုင်တော့တယ်၊ မောင်းသူကလည်း မပါဘူး၊ အရမ်း မြန်တယ်၊ တနာရီ မိုင်၈၀ နှုန်းလောက် ရှိတယ်လို့  ပြောတယ်” ဟု ဦးအုန်းရွှေက ဆိုသည်။

သာစည်ဘူတာအနီးရှိ မီးရထားလမ်းနှင့်ကားလမ်းဆုံ တခုကို ဖြတ်သန်းစဉ် ကြက်ဥများ တင်ဆောင်ထားသည့် ယာဉ်အမှတ် ၄က/ ၁၅၃၈ တိုယိုတာ ဟိုင်းလပ် အမျိုးအစား ကား၏ ရှေ့ ပိုင်းကို တိုက်မိခဲ့သော်လည်း မောင်းသူမဲ့ ကားရထား အရှိန်မှာ လျော့ကျ မသွားကြောင်း သူက ရှင်းပြသည်။

မောင်းသူမဲ့ ကားရထားသည် ပျော်ဘွယ်မြို့နယ် အတွင်းရှိ ရှမ်းရွာ၊ သာစည်မြို့နယ် အတွင်းရှိ ညောင်ရမ်း၊ နွားထိုး၊ သာစည်၊ ရွာပုလဲ ဘူတာများကို ဖြတ်ကျော်ခဲ့ကြောင်း သာစည်မြို့ခံတဦး နှင့် သာစည်ဘူတာ မီးရထားလမ်းပိုင်း ထိန်းချုပ်ရေး ဌာနမှ ၀န်ထမ်းတဦးက ပြောသည်။

အဆိုပါ ကားရထား ဘူတာများ ဖြတ်ကျော်လာစဉ် ညောင်ရမ်းဘူတာရုံမှ တာဝန်ရှိသူများက ပြေးလမ်းကြောင်း လွှဲ၍ အရှိန် လျှော့ချပေးရန် သာစည်ဘူတာကြီးသို့ အကြောင်းကြား ခဲ့သော်လည်း လျှော့ချနိုင်ခြင်း မရှိဘဲ၊ လော်ကယ်ရထားကို ၀င်တိုက်ပြီးမှ ရပ်ဆိုင်းသွားခြင်း ဖြစ်သည်ဟု မီးရထားလမ်းပိုင်း ထိန်းချုပ်ရေး ဌာန ၀န်ထမ်းက ဧရာဝတီသို့ ပြောသည်။

သာစည်မြို့နယ်ဆေးရုံမှ ၀န်ထမ်းတဦး၏ အဆိုအရ ပွဲချင်းပြီး သေဆုံးသွားသူများမှာ လော်ကယ်ရထားပေါ်မှ ရထားဝန်ထမ်း ဦးမော်ကြီး၊ ၎င်း၏ သားဖြစ်သူ ရှစ်တန်းကျောင်းသား မောင်ရန်ရန် နှင့် ခရီးသည် အမျိုးသမီးတဦးတို့ ဖြစ်သည်ဟု သိရသည်။

မောင်းသူမဲ့ ရထားပေါ်မှ ခရီးသည် ၉ ဦး နှင့် ပတ်သက်ပြီး သတင်း မရရှိသေးပေ။

သာစည်မီးရထား ရဲစခန်းသို့ ဆက်သွယ်မေးမြန်းရာ မီးရထားဝန်ကြီး ဌာန၏ ညွန်ကြားချက် တစုံတရာ မရသေးသည့်အတွက် မည်သည့် အရေးယူမှုမျှ ပြုလုပ်ခြင်း မရှိသေးကြောင်း တာဝန်ကျ အရာရှိတဦးက ဧရာဝတီသို့ ပြောသည်။

၂၀၁၃ ဆီးဂိမ်း မြန်မာနိုင်ငံတွင် ကျင်းပမည်

shweone — Tue, 09 Mar 2010 01:53:20 +0000

၂၀၁၃ ဆီးဂိမ်းပြိုင်ပွဲကို မြန်မာက အိမ်ရှင်အဖြစ် ကျင်းပသွားမည်ဟု အားကစားဝန်ကြီးက အတည်ပြုပေးခဲ့ကြောင်း မြန်မာနိုင်ငံ ဘောလုံးအဖွဲ့ချုပ် MFF ဥက္ကဋ္ဌ ဦးဇော်ဇော်က ယခုလ ၆ ရက်နေ့တွင် ကျင်းပခဲ့သော သတင်းစာ ရှင်းလင်းပွဲ၌ ပြောကြားခဲ့သည်။

ရန်ကုန်တွင် ပြုလုပ်သော MFF ၏ သတင်းစာရှင်းလင်းပွဲ၌ ဦးဇော်ဇော်က “၂ဝ၁၃ ဆီးဂိမ်းပြိုင်ပွဲကို မြန်မာက အိမ်ရှင်အနေနဲ့ လက်ခံကျင်းပဖို့ကို အားကစားဝန်ကြီးက အတည်ပြုပေးလိုက်ပါပြီ။ ဒီနေ့ပဲ ဝန်ကြီးက အားလုံးကို ခေါ်တွေ့ပြီး အစည်းအဝေး လုပ်ပါတယ်” ဟု ပြောဆိုခဲ့သည်။

၂ဝဝ၉ ခုနှစ် လာအိုဆီးဂိမ်းပြိုင်ပွဲ၌ မြန်မာ့လက်ရွေးစင် ဘောလုံးအသင်း အောင်မြင်မှု မရရှိခဲ့ခြင်းနှင့် ပတ်သက်၍ ဦးဇော်ဇော်က ပရိသတ်များကို သတင်းစာရှင်းလင်းပွဲ၌ တောင်းပန်ခဲ့သည်။

“ပရိုဖက်ရှင်နယ်ဘောလုံးလောကကို ပြောင်းပြီး နေရှင်နယ်လိဂ် ပြိုင်ပွဲလည်း လုပ်ထားတော့ မြန်မာ့လက်ရွေးစင် ဘောလုံးအသင်းလည်း အထိုက်အလျောက် အောင်မြင်မယ်လို့ ပရိသတ်တွေနဲ့ ကျနော်တို့ မျှော်လင့်ထားခဲ့တယ်။ ဒါပေမဲ့ တကယ်တမ်းကျ အုပ်စုကနေ လှည့်ပြန်ခဲ့ရတယ်။ ဒီအတွက် ပရိသတ်တွေကို တောင်းပန်ပါတယ်။ ၂ဝ၁၃ ပြိုင်ပွဲမှာ အောင်မြင်မှုရအောင် ကြိုးစားသွားမှာပါ။ လုပ်နိုင်မယ်လို့ ထင်ပါတယ်။ အချိန်က ၄ နှစ် ကျန်သေးတယ်” ဟု သူက ဆိုသည်။

မြန်မာ့လက်ရွေးစင် အမျိုးသားအသင်းအတွက် လတ်တလောတွင် နိုင်ငံခြားသားနည်းပြ ခန့်အပ်မည် မဟုတ်သေးသော်လည်း နိုင်ငံခြားသား နည်းစနစ် ဒါရိုက်တာတဦးကို မေလအတွင်း ငှားရမ်းသွားမည်ဟုလည်း သိရသည်။

၂ဝ၁၃ ဆီးဂိမ်းပြိုင်ပွဲကို မြန်မာနိုင်ငံတွင် ကျင်းပမည်ဆိုခြင်းမှာ ဟုတ်မှန်ကြောင်းနှင့် အားကစားဝန်ကြီး၏ အစည်းအဝေး၌ အားကစားအမျိုးအစား ၃၇၃ မျိုး ပါဝင်ယှဉ်ပြိုင်ရန် ဆုံးဖြတ်ခဲ့ကြောင်း မြန်မာနိုင်ငံ ဝူရှုးအဖွဲ့ချုပ်၏ ဥက္ကဋ္ဌဖြစ်သူ ဒေါက်တာဆိုင်းဆမ်ထွန်းက ပြောဆိုသည်။

“အားကစားနည်း အမျိုးအစား ၃၇၃ မျိုးဝင်ပြိုင်ဖို့ ဆုံးဖြတ်ခဲ့ပါတယ်။ ဝူရှုးအနေနဲ့ ၂၈ မျိုးဝင်ပြိုင်မှာပါ။ ဆုတံဆိပ်ရရှိမှု လျာထားချက်အားလုံးကို မသိရပေမယ့် ကျနော်တို့ ဝူရှုးကနေပဲ ဆုတံဆိပ် ထက်ဝက်လောက် ရနိုင်ဖို့ ရည်မှန်းထားပါတယ်” ဟု လွယ်ဟိန်း ကုမ္ပဏီ ဥက္ကဋ္ဌ ဖြစ်သူ သူက ပြောသည်။

၂ဝ၁၃ မြန်မာဆီးဂိမ်းကို ၂ဝ၁၃ ခုနှစ် မေလတွင် ကျင်းပပြုလုပ်ရန် ရည်ရွယ်ထားသည်။

၂ဝဝ၉ ခု ဒီဇင်ဘာလတွင် လာအိုနိုင်ငံ၌ ပြုလုပ်ခဲ့သော အရှေ့တောင်အာရှ အားကစားအဖွဲ့ချုပ် အစည်းအဝေး၌ မြန်မာနိုင်ငံအား ၂ဝ၁၃ ဆီးဂိမ်းကို အိမ်ရှင်အဖြစ် လက်ခံကျင်းပရန် နိုင်ငံအချို့က စတင်အဆိုတင်သွင်းခဲ့သည်။

“ အလုပ်သမားတော်လှန်ရေးမှသည်လူထုအရေးတော်ပုံသို့ ……။”

shweone — Mon, 08 Mar 2010 02:13:19 +0000

တရွေ့ရွေ့ပြောင်းလဲခြင်းများစုစည်းရာမှ တဟုန်ထိုးပြောင်းလဲခြင်းဖြစ်စေ၏……. ။ ဒါဆိုရင် တစ်နေရာပြီးတစ်နေရာ ဆက်တိုက်ဖြစ်လာနေတဲ့ အလုပ်သမားဆန္ဒပြပွဲတွေကနေ ရန်ကုန် တစ်မြို့လုံးနေရာစုံ လုပ်ငန်းစုံက အလုပ်သမားတွေရဲ့ဆန္ဒပြပွဲတွေ ဆက်ဖြစ်မလာနိုင်ဘူးလား။ တစ်နိုင်ငံလုံးက အလုပ်သမားတွေရဲ့ဆန္ဒပြပွဲတွေ ဆက်ဖြစ်မလာနိုင်ဘူးလား။ အလုပ်သမား တွေသာမက ၊ လယ်သမားတွေ ၊ ၀န်ထမ်းတွေ ၊ ငတ်မွတ်နေတဲ့ပြည်သူတွေ ၊ ကျောင်းသားတွေ ၊ ရဟန်းသံဃာတွေ ၊ ရဲတွေ ၊ တပ်မတော်သားတွေ ပါဝင်တဲ့ အလွှာစုံ လူထုအုံကြွမှု အရေးတော်ပုံကြီး ဆက်ဖြစ်မလာနိုင်ဘူးလား ။

ကျွန်တော်တို့ဖြတ်သန်းခဲ့ရတဲ့ ရှစ်လေးလုံးလူထုအရေးတော်ပုံကြီးနဲ့ ၂၀၀၇ စက်တင်ဘာ အရေးတော်ပုံတွေဟာလဲ ဒီလိုဆင့်ကဲဖြစ်စဉ်တွေပေါင်းစည်းပြီး ဖြစ်ခဲ့တာပါ ။ ၁၉၇၄-၇၅ အလုပ်သမားသပိတ်အပါအ၀င် ၊ စစ်အာဏာရှင်စနစ်စတင်ခဲ့တဲ့ ၁၉၆၂ ခုနှစ်ကနေ ၂၆နှစ်လုံးလုံးဖြစ်လာတဲ့ ကျောင်းသားတိုက်ပွဲတွေပေါင်းစည်းပြီး ရှစ်လေးလုံးလူထု အရေးတော်ပုံကြီးပေါ်ပေါက်လာခဲ့သလို ၁၉၈၈ နောက်တစ်ကြိမ်အာဏာသိမ်းအပြီးကနေ တရွေ့ရွေ့ဖြစ်လာတဲ့အခြေအနေတွေက သံဃာတော်တွေဦးဆောင်တဲ့ ၂၀၀၇ စက်တင်ဘာ အရေးတော်ပုံကြီးဖြစ်စေခဲ့တာပါပဲ ။

ခု ၂၀၁၀ ထဲမှာတင် လှိုင်သာယာမြို့နယ်က အိုပယ်အထည်ချုပ်စက်ရုံ ၊ ကျားမင်း အထည်ချုပ်စက်ရုံ ၊ တိုင်ယီ အထည်ချုပ်စက်ရုံ ၊ မြဖက်ရှင်အထည်ချုပ်စက်ရုံ ၊ ပုဇွန်အအေးခန်းစက်ရုံ ၊ ဖိနပ်ချုပ်စက်ရုံ ၊ Weng Hong Hung အထည်ချုပ်စက်ရုံ ၊ အင်းစိန်မြို့နယ်က Sky အထည်ချုပ်စက်ရုံ ၊ Lion City အထည်ချုပ်စက်ရုံ ၊ တောင်ဒဂုံ စက်မှုဇုန်က ပြုံးပန်းတစ်ရာ အထည်ချုပ်စက်ရုံ ၊ ရွှေပြည်သာမြို့နယ်က Super Garment စက်ရုံ ၊ Grand Royal ၀ီစကီစက်ရုံ ၊ Yes2 စက်ရုံ ၊ Good Family စက်ရုံ ၊ ၊ UIB အထည်ချုပ် စက်ရုံ ၊ အာရှသမာဓိ အထည်ချုပ်စက်ရုံ ၊ မင်္ဂလာဒုံမြို့နယ်က ဖာမိုတို အထည်ချုပ်စက်ရုံ ၊ စုစုပေါင်း စက်ရုံ ( ၂၀ ) ခန့်ကအလုပ်သမားတွေဟာ သူတို့ရဲ့မလောက်ငှမှုတွေအတွက် ဆန္ဒပြခဲ့ကြပါပြီ ၊ စစ်အစိုးရကတော့ အခု အလုပ်သမားတွေရဲ့ဆန္ဒပြမှုတွေဟာ လစာနည်းလို့ အလုပ်ရှင်ကိုဆန္ဒပြနေကြတယ်ဆိုတာထက် သူတို့ရဲ့အုပ်ချုပ်မှုအလွဲတွေကြောင့် စီပွားရေး မတည်ငြိမ်မှုတွေကနေ တစစကြီးမြင့်လာတဲ့ကုန်ဈေးနှုန်းတွေကြောင့် ပေါက်ကွဲဘို့ တာစူနေကြတာဖြစ်တယ်ဆိုတာ သိနေပါတယ် ၊ ဆန္ဒပြအလုပ်သမားတွေ စက်ရုံဝန်းတွေ

ထဲကနေ လမ်းမတွေ ပေါ်ကိုထွက်လာမှာ ၊ အလုပ်ရှင်တွေကိုဆန္ဒပြနေရာကနေ တကယ့်တရားခံအစစ်ဖြစ်တဲ့ သူတို့ဆီဦးလှည့်လာမှာ စိုးရိမ်မကင်းဖြစ်နေတာသေချာပါတယ် ၊ စစ်ကားလုံထိန်းကားတွေအစီအရီနဲ့ဆန္ဒပြစက်ရုံတွေဝန်းကျင်မှာအင်အားပြခြိမ်းခြောက်ထားပုံဟာ အလုပ်သမားထု တော်လှန်ရေးအဖြစ် ကူးပြောင်းသွားမှာ စိုးရိမ်နေကြောင်း ၊ လူထုအရေးတော်ပုံကြီးရဲ့အစ ဖြစ်လာမှာစိုးရိမ်နေကြောင်း ပြနေတာပါ ။

စစ်အာဏာရှင်တွေ တော်တော်လေး ဘေးကျပ်နံကျပ်ဖြစ်နေပါပြီ ၊ တဘက်သတ်ချုပ်ကိုင်ထား တဲ့ အာဏာကိုအသက်ဆက်ဘို့ ရွေးကောက်ပွဲဆိုတဲ့ခေါင်းစဉ်တစ်ခုကို ဖန်တီးခဲ့ပေမဲ့ အဲဒီ ခေါင်းစဉ်အတိုင်းတောင် သူ့ဇတ်သူ နိုင်အောင်မကနိုင်ပါဘူး ၊ အခြေခံနိုင်ငံရေးရိုးသားမှုမရှိ တာကြောင့် ဗမာပြည်ရဲ့အဓိကဖြစ်တဲ့ တိုင်းရင်းသားကိစ္စမှာ တိုင်းရင်းသားအားလုံးကိုမဆို ထားနဲ့ အပစ်ရပ်(ငြိမ်း)အဖွဲ့တွေကိုတောင် ရအောင်မစည်းရုံးနိုင်ပါဘူး ၊ မက်လုံးတွေပေးလိုက် ခြိမ်းခြောက်လိုက်နဲ့ တိုင်းရင်းသားခေါင်းဆောင်တစ်ယောက်ချင်းလိုက်တွေ့ ၊ တိုင်းရင်းသားဒေ သတွေမှာတပ်တွေချ ၊ အရွယ်မရောက်သေးတဲ့ကလေးတွေကို နည်းမျိုးစုံနဲ့တပ်ထဲသွင်း စစ်သားစု လုပ်နေရပါတယ် ၊ အချိန်မရွေး တိုက်ပွဲတွေပြန်ဖြစ်လာနိုင်တယ်လို့ စိုးရိမ်မကင်း ဖြစ်နေရမှုဟာ စစ်ဗိုလ်ချုပ်တွေ ခေါင်းမအေးရတဲ့ ပြဿနာကြီးတစ်ခုပါ ။

နောက်တစ်ခုက NLD , ဒေါ်အောင်ဆန်းစုကြည် နဲ့ ပြည်သူလူထု တွေပါ ၊ NLD က ထိထိရောက် ရောက် မလုပ်နိုင်သေးပါဘူးဆိုပေမဲ့ ၊ ကမ္ဘာသိ ပြည်သူကရွေးချယ်ထား တဲ့ပါတီ ဆိုတာကိုက စစ် ဗိုလ်ချုပ်တွေအတွက် ပြဿနာကြီးတစ်ခုပါ ၊ ၁၉၉၀ ရွေးကောက်ပွဲရလာဒ်ကို ဆန္ဒပြုခဲ့တဲ့ပြည်သူတွေ မေ့ပျောက်အောင် တကယ်တမ်းမစွမ်းဆောင်နိုင်သေးပါဘူး ၊ ၂၀၀၈ မေလ ၊ ဖွဲ့စည်းပုံ ဥပဒေဆန္ဒခံယူပွဲဟာ ပြည်သူ့ဆန္ဒအမှန်မဟုတ်ဘူးဆိုတာ သူတို့ကိုယ်တိုင်သိနေတာပါ ။ NLD က သူတို့ခင်းတဲ့လမ်းကိုမလျှောက်ခဲ့ရင် ဘာလုပ်မလဲ၊ နိုင်ငံတကာဖိအားတွေနဲ့ ဒေါ်အောင်ဆန်းစုကြည်ကိစ္စ ဘယ်လိုကိုင်တွယ်မလဲ ၊ ခေါင်းခဲနေရတဲ့အခြေအနေပါ ၊ (ခု ဦးတင်ဦး ၊ ဦးဝင်းတင်တို့ကိုတောင် လွှတ်မပေးချင်ပဲ လွှတ်ပေးလာရပါပြီ) ။

သူတို့ အဓိကပြင်နေတာက ရွေးကောက်ပွဲဆိုတဲ့ပြယုတ်တခုထဲမဟုတ်ပါဘူး ၊ စစ်အာဏာ ဖြန့်ကျက်နိုင်ရေးပါ ၊ စစ်ဗိုလ်တမတ်သားလွှတ်တော်ထဲပါရေး သူတို့စိတ်မ၀င်စားပါဘူး၊ စစ်တပ်က အားလုံးချုပ်ကိုင်ထားနိုင်ရေးပဲစဉ်းစားတာပါ ၊ ပညာရေး ၊ ကျန်းမာရေး ၊ စိုက်ပျိုးရေး ၊ ပို့ဆောင်ရေး ၊ လျှပ်စစ်စွမ်းအား စတဲ့ စစ်တပ်နဲ့ ဘာမှမဆိုင်တဲ့ဌာနတိုင်းမှာ ၊ အောက်ခြေအဆင့်အုပ်ချုပ်သူကအစ ဗိုလ်ကြီးတွေ ၊ ဗိုလ်မှုးတွေကို ယူနီဖေါင်းချွတ် နေရာချ ထားတာကြည့်ရင် လွှတ်တော်ကိုယ်စားလှယ်ဆိုတာထက်ပိုတဲ့ လွှမ်းမိုးမှုရဘို့ ပြင်နေတာ သိနိုင်ပါတယ် ၊ အဲဒီမှာ ဘယ်သူ့တပည့်တွေကို ဘယ်ဌာနတွေမှာထားမလဲ ၊ ဘယ်ဗိုလ်ချုပ်တွေယူနီဖေါင်းချွတ်မလဲ ၊ နေရာခွဲဝေမှုပြဿနာရှိလာပြန်ပါတယ် ၊ အထက်

အောက်ကွာဟမှုကြီးမားပြီး အုပ်စုလိုက်ရော ၊ တစ်ဦးချင်းပါ အကျိုးစီးပွားအားပြိုင်နေကြတဲ့ စစ်ဗိုလ်ချုပ်တွေ ၊ ဒီပြဿနာညှိမပြီးသေးပါဘူး ၊ နိုင်နိုင်နင်းနင်း(ကိုယ့်ကုလားဖန်ကိုယ်ထိုး ကိုယ့်ဖဲကိုယ်ချိုး)လုပ်နိုင်မယ်ထင်ခဲ့လို့ ၂၀၀၈ မတိုင်ခင်ထဲကကြေငြာထားခဲ့တဲ့ ၂၀၁၀ ရွေးကောက်ပွဲဆိုတာကို ခုထိ ဘယ်နေ့ဘယ်လိုလုပ်မယ် မကြေငြာနိုင်သေးပါဘူး ။

စစ်အုပ်စုအဆိုးဆုံးရင်ဆိုင်ရမဲ့ ၊ (ရင်ဆိုင်နေရတဲ့) ၊ ပြဿနာက လူထုစားဝတ်နေရေး ပြေလည်အောင် ဖြေရှင်းမပေးနိုင်တဲ့ကိစ္စပါ ၊ တပ်တွင်းကပဲပုန်ကန်မလား ၊ ၀န်ထမ်းတွေပဲ ထကြွမလား ၊ ပူပန်ရင်း လစာတိုးပေးတဲ့နည်းလမ်းနဲ့ဖြေရှင်းခဲ့တာလည်း အကြိမ်ကြိမ်ရှိခဲ့ပါပြီ ၊ အာဏာလက်ဝယ်ရှိသူမို့ ၅၀၀၀တန်လိုငွေစက္ကူတွေရိုက်ထုတ်နိုင်တာကြောင့်နဲ့ ၊ နိုင်ငံ့ဘဏ္ဍာ ကိုထင်တိုင်းကြဲသုံးနိုင်တာ ကြောင့် ၀န်ထမ်းတွေကို လစာတိုးပေးနိုင်ပေမဲ့ ၊ ကုမ္ပဏီတွေ ၊ လုပ်ငန်းရှင်တွေက လိုက်မတိုးပေးနိုင်ပါဘူး ၊ ကုမ္ပဏီအလုပ်သမားတွေ နဲ့ တနေ့လုပ်တနေ့စား လုပ်သားတွေဟာ ၀င်ငွေတိုးမရကြပါဘူး ၊ စစ်အုပ်စုရဲ့ဖြေရှင်းမှုအမှားနောက်က ကပ်ပါလာတဲ့ ကုန်ဈေးနှုန်းကြီးမြင့်မှုဒါဏ်ကိုတော့ အလူးအလဲ ခံကြရပါတယ် ၊ ၀န်ထမ်းတွေကရော ၊ လစာ တိုးရလို့ အဆင်ပြေချောင်လည်သွားပါပြီတဲ့လား ၊ တနေ့လုပ်တနေ့စားတွေလောက် ၊ စက်ရုံလုပ်သားတွေလောက် ၊ မဆိုးတာပဲရှိပါတယ် ၊ နှစ်သိမ့်ခံလိုက်ရတာသက်သက်ပါပဲ ။ တစ်လ သုံးလေးသောင်းဆိုတဲ့ဝင်ငွေဟာ လူတစ်ယောက် စားဘို့တောင်လောက်တယ်ဆိုရုံပါ၊ အ၀တ်အစားနဲ့ ဗာဟီရလူ့အသုံးအဆောင်တွေ မ၀ယ်နိုင်ပါဘူး ၊ ကျန်းမာရေးချို့တဲ့ရင် ဆေးကုဘို့ မတတ်နိုင်ပါဘူး ၊ လူတစ်ဦးချင်းအတွက်တောင်လောက်ငှမှုမရှိတာ မိသားစုဘ၀ တွေ ဘယ်လိုတည်ဆောက်ကြပါ့မလဲ ။ ခေါင်းဆောင်မှုချို့တဲ့ ၊ နှိုးဆော်သူချို့တဲ့နဲ့ မချိတင်ကဲခံနေခဲ့ရတဲ့ လူထုကြီးထဲက အငတ်မွတ်ဆုံးအလုပ်သမားတွေရဲ့ ၊ အခြေအနေနဲ့ ကိုက်ညီတဲ့ လှုပ်ရှားမှု ၊ ဆန္ဒပြမှုတွေကတော့ တစစ ကြီးထွားလာနေပါပြီ ၊ လစာနည်းတာလား ၊ မလောက်ငှတာလား ၊ ကွဲပြားပြီး စက်ရုံတစ်ရုံခြင်းကနေ စက်ရုံတွေ အားလုံးပေါင်းစည်းပြီး ၊ အလုပ်သမားတွေပေါင်းစည်းပြီး ၊ လမ်းပေါ်ထွက်လာဘို့ တာစူနေပါပြီ၊ အလုပ်ရှင်တွေဆီကနေ အလုပ်သမားအခွင့်အရေးတောင်းဆိုမှုထက် ၊ အာဏာရှင်တွေဆီက လူ့အခွင့်အရေးတွေတောင်းဆိုဘို့ ၊ လူထုတစ်ရပ်လုံးအုံကြွပါဝင်ဘို့ လမ်းစဖြစ်လာပါပြီ ။

ရှေးက နယ်ချဲ့ဆန့်ကျင်ရေးခေတ်မှာ အင်္ဂလိပ်အခက် ဗမာအချက် ဆိုတဲ့ဆောင်ပုဒ်နဲ့ တိုက်ပွဲ ၀င်တွန်းလှန်ခဲ့ကြတယ် ၊ ခုလဲ စစ်အုပ်စုအခက် လူထုအချက်လို့ ကြွေးကြော်တိုက်ပွဲဝင်ရမဲ့ အချိန်ရောက်နေပါပြီ ၊ စက်ရုံအလုပ်ရုံအလုပ်သမားတွေရဲ့ဆန္ဒပြပွဲမှာ အားဖြည့်ပါဝင်ရင်း အလုပ်သမားတော်လှန်ရေးမှသည် လူထု အရေးတော်ပုံသို့ ဦးတည်ချီတက်ကြပါစို့ ။

စစ်အာဏာရှင်စနစ် မုချကျဆုံးရမည် ။

ပြည်သူ့ဒီမိုကရေစီတော်လှန်ရေး အောင်ရမည် ။

ရန်ကုန်မင်္ဂလာတောင်ညွန်မြို့နယ်မှာရှိတဲ့မင်္ဂလာဈေးကို ရွာသာကြီးသို့ပြောင်းရမယ့်သတင်း

shweone — Mon, 08 Mar 2010 02:08:59 +0000

ရန်ကုန်မြို့ မင်္ဂလာတောင်ညွန့် မြို့နယ်မှာရှိတဲ့ မင်္ဂလာဈေးကြီးကို ရန်ကုန်မြို့တော်ဝန်ကပြီးခဲ့တဲ့ အပတ်က
လာရောက်စစ်ဆေးကြည့်ရှု့သွားခဲ့ပါတယ်၊ မကြာခင်မှာ ရွာသာကြီးကိုပြောင်းရမယ့် ဈေးတွေထဲမှာ ဒီဈေးလဲ
ပါတယ်ဟု ပြောလိုက်တာကို ဈေးမိဈေးဖများကအမှတ်မထင်ကြားလိုက်ပါတယ်၊ အပြောင်းအရွေ့သတင်းကို
တရားဝင်မထုတ်ပြန်ပါဘူး၊အဲဒီတရားဝင်ဟုတ် မဟုတ်မသိသေးတဲ့ သတင်းကြောင့် ဈေးသူဈေးသားတွေ
အားလုံးမှာ စိတ်သောက တွေဖြစ်နေရကြောင်းကို ကိုယ်တိုင်မင်္ဂလာဈေးမှာ ဆိုင်ဖွင့်ရောင်းနေတဲ့တဦးက
သူကိုယ်တိုင်လဲ ဒီသတင်းကို ကြားခဲ့ရကြောင်းကို ပြောပြသွားတာဖြစ်ပါတယ်၊အကယ်၍သာ မင်္ဂလာဈေးကြီးကို
ရွာသာကြီးကို ပြောင်းရွေ့ခံရမယ်ဆိုရင်တော့ ၀ယ်သူတွေမရှိသလို့ ရောင်းသူတွေ အတွက်လဲ ဘယ်လိုမှ အဆင်ပြေမှာမဟုတ်ကြောင်းပြောပြသွားပါတယ်။

တောင်ဒဂုံ စက်မှုဇုန်တွင် အလုပ်သမားများ ဆန္ဒပြ

shweone — Mon, 08 Mar 2010 02:07:36 +0000

ရန်ကုန်တိုင်း တောင်ဒဂုံ စက်မှုဇုန် (၂) ရှိ SGI အထည်ချုပ် စက်ရုံ နှစ်ရုံမှ အလုပ်သမား ၄၀၀၀ ခန့်က လုပ်ခလစာ တိုးပေးရေး အတွက် ယနေ့ နံနက် ၈ နာရီခန့်တွင် ဆန္ဒပြ တောင်းဆိုကြောင်း သိရသည်။

လုပ်ခလစာများ နည်းပါးမှု၊ အချိန်ပို လုပ်အားခ နည်းပါးမှု များကြောင့် စားဝတ်နေရေး မပြေလည်သည့် အတွက် လုပ်ခလစာ တိုးပေးရန်နှင့် အချိန်ပို လုပ်အားခ တိုးမြှင့်ပေးရန် အတွက် တောင်းဆိုခြင်း ဖြစ်ကြောင်း ဆန္ဒပြ အလုပ်သမား များနှင့် တွေ့ဆုံခဲ့သူ တဦးက ဧရာဝတီသို့ ပြောသည်။

“အလုပ်သမလေးတွေ မနက်ပိုင်း အလုပ်ဆင်းတဲ့ အချိန် ဖယ်ရီကားက ပို့ကတည်းက စက်ရုံထဲ မ၀င်တော့ဘဲ ထိုင်ပြီး ဆန္ဒပြနေကြတာ”ဟု ၎င်းကဆိုသည်။

ဆန္ဒပြသူ အများစုမှာ အမျိုးသမီးများဖြစ်ပြီး ၎င်းတို့ကို စက်ရုံပိုင်ရှင်က စက်ရုံဝန်းအတွင်းသို့ ၀င်ရန်ပြောဆိုသော်လည်း ၀င်ရောက် ခြင်းမရှိဘဲ ဆန္ဒပြခြင်းဖြစ်ကြာင်း ၊ စက်ရုံပိုင်က တောင်းဆိုချက်များ လိုက်လျောမည်ဟု ပြောဆိုပြီး ဆန္ဒပြသူများကို ကြိုပို့ ယာဉ် များနှင့် ပြန်ပို့ခဲ့ကြောင်း၊ အလုပ်သမားများက ယခုတောင်းဆိုချက်များ မရရှိပါက ဆက်လက်ဆန္ဒပြမည်ဟု ဆိုကြောင်း၊လွန်ခဲ့သည့် သုံးလခန့်က စက်ရုံပိုင်ရှင်နှင့် အုပ်ချုပ်သူများကို အလုပ်သမားများမှ လုပ်ခလစာတိုးပေးရန် တောင်းဆိုခဲ့သေးကြောင်း အလုပ် သမား များနှင့် တွေ့ဆုံခဲ့သူက ရှင်းပြသည်။

ယင်းစက်ရုံ အလုပ်သမားများ၏ လစာ မှာ တလလျှင် ကျပ် ၃၀၀၀ ကျော် ရရှိသည်ဟု သိရသည်။

အဆိုပါစက်ရုံသို့တောင်ဒဂုံမြိုနယ်ရဲမှူးကြီးနှင့် မြို့နယ် အေးချမ်းသာယာရေး ဥက္ကဋ္ဌ တို့ရောက်ရှိလာကြောင်း၊ လုံခြုံရေး ရဲကားများ လည်း ရောက်ရှိလာကြောင်း မျက်မြင်တွေ့ရှိသူများက ပြောသည်။

စက်ရုံ အလုပ်သမားအများစုမှာ တောင်ဒဂုံ၊ မြောက်ဒဂုံ၊ သာကေတ၊ သုဝဏ္ဏ၊ ပုဇွန်တောင်မြို့နယ်များတွင် နေထိုင်သူများဖြစ်ပြီး အဆိုပါ စက်ရုံသည် လူနေရပ်ကွက်များနှင့် ဝေးလံကာ စက်ရုံအနီးတွင်လည်း ပေါ်ပြူလာပလတ်စတစ်စက်ရုံ၊ တံမျက်စည်း စက်ရုံ များရှိကြောင်း သိရသည်။

မြန်မာနိုင်ငံရှိ ပုဂ္ဂလိကစက်ရုံများတွင် ဆန္ဒပြမှုများ ဖြစ်ပေါ်နေခြင်းသည် မကြာသေးမီက အစိုးရ၀န်ထမ်းများကို လစာတိုးမြှင့်ပေး လိုက်ခြင်းနှင့်အထွေထွေကုန်ဈေးနှုန်းမြင့်တက်လာခြင်းတို့ကြောင့် ဖြစ်ကြောင်း၊ အိမ်နီးချင်းနိုင်ငံများဖြစ်သည့် ဗီယက်နမ် ၊ ကမ္ဘောဒီးယားနှင့် လာအိုနိုင်ငံများတွင် အထည်ချုပ်အလုပ်သမားတဦး၏ လုပ်ခလစာမှာ တလလျှင် အမေရိကန်ဒေါ်လာ ၁၂၀ ခန့် ရရှိကြောင်း မြန်မာနိုင်ငံ စက်မှုနှင့် ကုန်သည်ကြီးများအသင်းမှ တာဝန်ရှိသူတဦးက သုံးသပ်ပြောဆိုသည်။

မကြာသေးမီရက်ပိုင်းကလည်း ပြုံးပန်းတရာ အထည်ချုပ်စက်ရုံ၊ Yes II အထည်ချုပ်စက်ရုံ၊ Super Garment အထည်ချုပ်စက်ရုံ၊
Sky အထည်ချုပ်စက်ရုံ၊ တိုင်ရီ ဖိနပ်စက်ရုံ၊ ဂရင်းရွိုင်ရယ် ၀ီစကီ အရက်ချက်စက်ရုံတို့တွင် ဆန္ဒပြမှုများ ဖြစ်ပွားခဲ့သည်။